وبلىس ورتالىعىندا وتان قورعاۋشىلار كۇنىنە جانە جەڭىس كۇنى مەرەكەسىنە ارنالعان وبلىستىق بايقاۋعا اۋىل, قالالاردان كەلگەن 450 قاتىسۋشىسى بار 12 كوماندا قاتىستى.
باياناۋىل اۋداندىق ءبىلىم ءبولىمىنىڭ ادىسكەرى مارجان شۋماقوۆانىڭ ايتۋىنشا, اۋدان بويىنشا 30 وقۋشى كەلىپتى. بايقاۋ العاشقى اسكەري دايىندىق ساباعىنداعى تەوريالىق دايىندىق, ساپتىق دايىندىق, ساپتىق ءان مەن جەكە قۇرامنىڭ سىرت كەلبەتى دەگەن 4 كەزەڭ بويىنشا ءوتتى. قورىتىندىسىندا 1-ورىندى وبلىس ورتالىعى كومانداسى يەلەندى. اۋداندار اراسىندا 1-ورىندى باياناۋىل اۋدانى, 2-ورىندى ەرتىس اۋدانى, 3-ورىندى ۋسپەن اۋدانىنىڭ كوماندالارى جەڭىپ الدى.
باياناۋىل اۋدانىنىڭ كومانداسىن قاناعات تولەۋتاي ۇلى, مەيرامبەك تۇرلىبەك ۇلى, اققۋ ءاليحان ۇلى, ءبىلىم ءبولىمىنىڭ ادىسكەرى اسلان بۇركىت ۇلى دايىندادى. وقۋشىلار ساپقا تۇرۋ مەن ساپتا تۇرعاندا ايتىلاتىن پاتريوتتىق اندەردى جاقسى ورىنداپ شىقتى. بولاشاق ساربازدار بولا الاتىندىقتارىن كورسەتتى. شارا سوڭىندا جۇلدەگەرلەرگە كۋبوكتار تابىس ەتىلدى
فاريدا بىقاي, «ەگەمەن قازاقستان»
پاۆلودار