ورتالىقتاندىرىلعان كىتاپحانا جۇيەسى مەكەمەسىندە وسكەلەڭ ۇرپاققا پاتريوتتىق تاربيە بەرۋ ماقساتىندا «جاس ۇلان» ليتسەيىنىڭ كۋرسانتتارىمەن «مەن – ەلىمنىڭ ۇلانىمىن» اتتى تاريحي ساباق ۇيىمداستىرىلدى.
شارا باسىندا كىتاپحاناشىلار قازاقستان رەسپۋبليكاسىنىڭ ۇلتتىق قارۋلى كۇشتەرى ەلىمىزدىڭ تاۋەلسىزدىگى مەن شەكاراسىن قورعاپ قانا قويماي, بەيبىت ءومىردى دە ساقتايتىنىن دا اتاپ ءوتتى. سونداي-اق بۇل مەرەكە ءار كەزدە دە باتىلدىق پەن ەرلىكتىڭ, قاھارماندىق پەن ەلدىكتىڭ نىشانى ەكەندىگى جايلى ايتىلدى.
تاريحي ساباق بارىسىندا كۋرسانتتار مەرەكەنىڭ تاريحىمەن جانە قازاقستان ارمياسى تۋرالى كوپتەگەن قىزىقتى دەرەكتەرمەن تانىستى. قارۋلى كۇشتەر قاتارىندا قىزمەت ەتۋ - ءاربىر قازاقستاندىقتىڭ ابىرويلى مىندەتى, وتكەن ۇرپاقتىڭ باتىرلىق جانە جاۋىنگەرلىك داستۇرلەرىنە نەگىزدەلگەن پاتريوتتىق رۋحاني مەكتەبى بولىپ سانالاتىنى جايلى اڭگىمەلەندى. كۋرسانتتار كونكۋرستىق باعدارلاماعا جانە اسكەري تاقىرىپقا ارنالعان ۆيكتوريناعا قاتىسىپ, وزدەرىنىڭ كۇش-جىگەرلەرىن, ەپتىلىكتەرىن كورسەتتى. بۇدان ءارى جيىن كونتسەرتتىك باعدارلامامەن جالعاسىپ, «قازاق ەلى وسىنداي», ء«بىر بالا» جانە تاعى باسقا اندەر ورىندالدى.
راۋشان نۇعمانبەكوۆا