ورتالىق كوممۋنيكاتسيالار قىزمەتiنىڭ الاڭىندا سولتۇستiك قازاقستان وبلىسىنىڭ اكiمi قۇمار اقساقالوۆ «رۋحاني جاڭعىرۋ» باعدارلاماسىنىڭ ورىندالۋ بارىسىمەن تانىستىردى.
وبلىس باسشىسى الدىمەن «رۋحاني جاڭعىرۋ» باعدارلاماسى اياسىندا مادەني جانە تاريحي قۇندىلىقتارى بار نىسانداردى ساقتاۋعا باعىتتالعان شارالار كەشەنi قابىلدانعانىن اتاپ ءوتتi. باعدارلامانى iسكە اسىرۋعا وبلىس تۇرعىندارى ءبىر كىسىدەي جۇمىلىپ, جۇكتەلگەن مiندەتتەردi ورىنداۋعا ىقىلاستى ەكەندىگىن دە جەتكىزدى.
وبلىس باسشىسى سولتۇستىك وڭىردەگى ەنەوليت ءداۋىرىنىڭ ەسكەرتكىشى − «بوتاي قونىسىنىڭ» ماڭىزدىلىعىنا توقتالىپ, بۇل قونىس رەسپۋبليكالىق ماڭىزعا يە جانە ءوڭىردىڭ برەندى ەكەنىن ايتتى.
– بۇل ەسكەرتكiش رەسپۋبليكالىق ماڭىزعا يە جانە بiزدiڭ ءوڭiردiڭ برەندi بولىپ تابىلادى. وبلىس تۇرعىندارى اتالعان تاريحي دەرەك نەگىزىندە الەمدiك جىلقى شارۋاشىلىعىنىڭ ءتۇپ قازىعى ءبىزدىڭ وڭىردەن ءورىس العاندىعىن ماقتانىشپەن ايتا الادى, دەدى ق. اقساقالوۆ. وبلىس باسشىسىنىڭ ايتۋىنشا, 2018 جىلعى 31 ناۋرىزداعى ۇكiمەت قاۋلىسىمەن «بوتاي قونىسى» نەگىزگى رەسپۋبليكالىق تاريحي-قورىقتاردىڭ ۇشتىگىنە ەنگەن. بۇل بولاشاق ۇرپاققا بiرەگەي مادەني ەسكەرتكiشتi ساقتاۋعا, ساياحاتشىلاردى تارتۋدا باسەكەگە قابiلەتتiلiكتi جوعارىلاتۋعا, عىلىمي-زەرتتەۋ, ارحەولوگيالىق, اعارتۋشىلىق, تاريحي ءبىلىمدى جەتىلدىرۋگە مۇمكىندىك بەرەدى.
وڭiرiمiزدە تەك iشكi دەڭگەيدەگi ەمەس, سونىمەن قاتار حالىقارالىق دەڭگەيدەگi تۋريزم سالاسىن دامىتۋعا دا باسا نازار اۋدارىلۋدا. پەتروپاۆل قالاسىن اباتتاندىرۋ جۇمىستارى جالعاستىرىلۋدا. 2018 جىلدان باستاپ وڭiردەگi بارلىق مۇراجايلارعا كiرۋ تەگiن بولدى. وبلىس اكiمiنiڭ ايتۋىنشا, قابىلدانعان شارالار تۋريستەر اعىمىن ەكi ەسەگە وسiرۋگە مۇمكiندiك تۋعىزىپ وتىر. ءوڭiردiڭ باسشىلىعىمەن «زامان تاسپاسى» جوباسى قابىلداندى. بۇل جوبا تۋريستەرگە گادجەتتەردiڭ كومەگiمەن قالانىڭ تاريحي ەسكەرتكiشتەرiمەن تانىسۋعا مۇمكiندiك بەرەدi. جوبا بويىنشا قازiرگi تاڭدا ەسكەرتكiشتەر تۋرالى ەكi تiلدە تولىق ماعلۇماتى بار مارشرۋت دايىندالدى, – دەدى ءوڭiر باسشىسى.
اتالعان وڭىردە سوڭعى جىلدارى قازاق مادەنيەتiن شەتەلدەردە دارiپتەۋ جۇمىستارى قولعا الىنعان. وسى ماقساتتا وڭىردەگى مادەني ورتالىقتار حالىقارالىق فەستيۆالدار مەن كونفەرەنتسيالارعا قاتىسۋدا. بۇگىنگە دەيىن ونەرپازدار گەرمانيا, بiرiككەن اراب امiرلiكتەرi, يتاليا, يسپانيا, بولگاريا, قىتاي, بەلارۋس پەن رەسەيدە بولىپ, قازاق ونەرىنىڭ الەمگە تانىلۋىنا ۇلەس قوستى. وڭiردە مادەنيەتتi دامىتۋ جۇمىستارى بەلسەندi تۇردە جۇرگiزiلۋدە – جاس اقىندار مەكتەپتەرi, انسامبلدەر مەن ۇلتتىق سپورت تۇرلەرiن دارiپتەۋگە ارنالعان مەكتەپتەر اشىلۋدا.
سونىمەن قاتار پەتروپاۆل قالاسىندا ءسابيت مۇقانوۆ اتىنداعى قازاق سازدى-دراما تەاترى جۇمىس ىستەيدى. تەاتردا 200 ادامعا ارنالعان ورىن بار. بۇعان قوسا بيىل پەتروپاۆل قالاسىنداعى جاڭا «جاس وركەن» شاعىن اۋدانىندا 500 ورىندىق جاڭا تەاتردىڭ قۇرىلىسى باستالماق.
وبلىس باسشىسى قۇمار اقساقالوۆ وسى ۋاقىتقا دەيىن پرەزيدەنتتىڭ لاتىن گرافيكاسىنا قاتىستى تاپسىرماسى اياسىندا ءبىراز شارالار اتقارىلعانىن ايتتى. حالىق اراسىندا ءتۇسىندىرۋ جۇمىستارى دا جۇرگىزىلگەن.
ءبىز 500-گە جۋىق شارا وتكىزدىك. ءاربىر توپتا, ءاربىر ۇجىمدا, ءاربىر ۇيىمدا ءتۇسىندىرۋ شارالارى جۇزەگە اسىرىلدى. وزدەرىڭىز جاقسى بىلەسىزدەر, ءبىزدىڭ وبلىسىمىزدا xالىقتىڭ 65 پايىزىن وزگە ۇلت وكىلدەرى قۇرايدى. دەگەنمەن اتقارىلعان شارالاردىڭ ارقاسىندا بارلىعى لاتىن گرافيكاسىنا كوشۋدى قولداپ وتىر, دەدى ق.اقساقالوۆ. اكىمنىڭ ايتۋىنشا, وبلىس مەكتەپتەرى جاڭا الىپپە بويىنشا ساباق بەرۋگە دايىن. وتكەن جىلدىڭ قاراشا ايىندا وبلىستىق كىتاپxانادا لاتىن گرافيكاسىنا ۇيرەتەتىن ارنايى ورتالىق اشىلعان.
– «100 جاڭا وقۋلىق» جوباسى اياسىندا 18 وقۋلىق ءبىزدىڭ وبلىسىمىزعا جەتكىزىلدى. اتالعان شىعارمالار الدىمەن كوللەدج بەن ۋنيۆەرسيتەت ستۋدەنتتەرىنە تاراتىلادى. ارينە ول باستاما قازاق تىلىندە ءبىلىم الىپ جاتقان جاستارعا ارنالىپ وتىر. مىسالى, بىزدە سولتۇستىك قازاقستان مەملەكەتتىك ۋنيۆەرسيتەتىندە بەس مىڭ ستۋدەنت وقىسا, ولاردىڭ ىشىندە ەكى مىڭ بالا قازاق تىلىندە ءبىلىم الىپ ءجۇر», – دەدى ق.اقساقالوۆ. وبلىس باسشىسى ءوز سوزىندە وڭىردەگى تۇيتكىلدى ماسەلەلەردى شەشۋگە جەرگىلىكتى كاسىپكەرلەر قارجىلاي قولداۋ كورسەتىپ وتىرعانىنا ەرەكشە توقتالدى. – «تۋعان جەرگە تاعزىم» جوباسى اياسىندا وتكەن جىلى وبلىستا تۋعان ولكەنi دامىتۋعا, قولداۋعا جەكەلەي كاسىپكەرلەر تاراپىنان جالپى سوماسى 1 ملرد 300 مىڭ تەڭگەگە قارجىلاي كومەك كورسەتىلدى. كاسىپكەرلەر ءوز تۋىپ-وسكەن اۋىل-ايماعىنداعى اۋىز سۋ, مادەني, دەنساۋلىق ساقتاۋ, ءبىلىم سالالارىنداعى كەيبىر تۇيىندەردىڭ شەشىمىن تابۋعا اتسالىسىپ وتىر. بيىلعى جىلى دا قالتالى ازاماتتار جولداردى جوندەۋگە, باسپاناعا مۇقتاج جاندارعا ءۇي سالىپ بەرۋگە, كوپ بالالى وتباسىلارىنا قولداۋ كورسەتۋگە ينەتتى. ايتا كەتەرلىگى, وبلىستا اۋىز سۋمەن قامتاماسىز ەتۋ 57 پايىزدى قۇراپ وتىر. بۇل ماسەلە تەك مەملەكەت بيۋدجەتىمەن شەشىلمەيدى», – دەدى ق.اقساقالوۆ.
قازىرگى ۋاقىتتا وبلىستاعى اۋىلدىق مەكتەپتەردە, اۋرۋxانالاردا, فەلدشەرلىك بەكەتتەردە مامان تاپشى. وسى ماسەلەنى شەشۋ ءۇشىن «سەرپىن» باعدارلاماسى اياسىندا كەلىپ جاتقان جاستاردى اۋىلدى جەرلەرگە جىبەرۋ كوزدەلىپ وتىر. جاستارعا بارلىق جاعداي جاسالماق. ءتىپتى وبلىس باسشىلىعى جەكە كاسىپكەرلەردىڭ قولداۋىمەن ءۇي سالىپ بەرۋگە دە دايىن.
ءىش-شارا بارىسىندا «رۋحاني جاڭعىرۋ» باعدارلاماسى اياسىندا ارنايى كورمە ۇيىمداستىرىلىپ, وندا «بوتاي» قونىسىنىڭ جادiگەرلەرi مەن تۇرعىن ۇيلەردiڭ ۇلگiلەرi, ءوڭiردiڭ كيەلi جەرلەرiنiڭ كارتاسى, كiتاپ باسىلىمدارى, ديسكىلەر, البومدار ۇسىنىلدى.
ەركەجان ايتقازى, «ەگەمەن قازاقستان»