جاقىندا «رۋحاني جاڭعىرۋ» باعدارلاماسى اياسىندا قاراعاندىداعى «مولودەجنىي» مادەنيەت ۇيىندە «بابالار ءسوزى» فولكورلىق فەستيۆالى ءوتتى. حالىقتىڭ رۋحاني اسىل قازىناسىن جيناقتاۋ, ناسيحاتتاۋ جانە كەلەشەك ۇرپاققا جەتكىزۋ سىندى يگى ىستەردى ماقسات ەكتەن فەستيۆال جوعارى دەڭگەيدە ۇيىمداستىرىلدى.
شارادا ۇلتتىق فولكلورلىق مۇرالارىمىزدى جيناقتاپ, ساقتاپ جۇرگەن ەرەسەكتەر مەن جاستار ء ان, بي, اۋەن سايىسىندا ءوز دارىندارىن اشىپ كورسەتۋگە مۇمكىندىك الدى. قاتىسۋشىلاردىڭ جاس ەرەكشىلىگى دە اۋقىمدى بولدى: 5 جاستان 70 جاسقا دەيىنگى ارالىق قامتىلدى.
بۇل فولكلورلىق فەستيۆال مۋزىكا, بي, ءان ارقىلى حالىقتىڭ اتام زامانعى ونەر تاجىريبەسىنىڭ تاماشا كورىنىسى بولدى. مەرەكەگە قاتىسۋشىلار, ياعني جاستار جاعى بار ونەرىن سالىپ, ءوز ءىسىنىڭ كاسىبي ماماندارى رەتىندە دارىنى مەن شەبەرلىكتەرىن حالايىق الدىندا پاش ەتتى.
فەستيۆال بارىسىندا شەبەرلىك ساباعى, مەكتەپتەر اراسىندا اسىق اتۋدان جارىس, كۇش سىناسۋ باسەكەلەرى وتكىزىلدى. «بالدىرعان» بوبەكجايىنىڭ «سىلدىرماق» حورى, «بوتاقان» ۆوكالدىق توبى, «التىن باتىر» ستەپ-مەكتەبى ءوز ونەرلەرىمەن كوپشىلىكتى ءتانتى ەتتى.
ۇلتتىق كيىمدەر, كونە سارىندار قاتىسۋشىلاردى اتا-اجەلەرىمىزدىڭ زامانىنا ويشا قايتا ورالۋىنا مۇمكىندىك بەردى. جاس بۋىن ۇرپاقتان-ۇرپاككا امانات ەتىپ جەتكىزىلگەن سالت-داستۇرلەرىمىزدى, تۋعان ەل تاريحىن ءبىلىپ, ەرتەدەن قالعان تۇرمىس زاتتارىمەن تانىسۋعا مۇمكىندىك الدى.
«بابالار ءسوزى» فولكلورلىق فەستيۆالى قاتىسۋشىلاردى وتكەن كۇندەرگە ورالتىپ, بولاشاقتىڭ ماڭىزدىلىعىن باعالاۋعا سەپتىگىن تيگىزدى.
قايرات ءابىلدا, «ەگەمەن قازاقستان»
قاراعاندى