ەل گازەتى «ەگەمەن» استانا قالاسىنىڭ 20 جىلدىق مەرەيتويى قارساڭىندا «قازاقستان – شەتەلدىك فوتوگرافتار كوزىمەن» دەپ اتالاتىن جاڭا ايداردى باستادى. بۇل ايداردا مادەنيەت جانە سپورت مينيسترلىگى ۇيىمداستىرعان حالىقارالىق PHOTO fest.kz فەستيۆالىنە قاتىسقان, قازاقستاننىڭ كوركەم كەلبەتىن, ۇلتتىق سالت-ءداستۇرىن, حالقى مەن تابيعاتىن بىرەگەي فوتوسۋرەتتەرمەن ايشىقتاعان فوتوگرافتاردى جۇرتشىلىقپەن تانىستىرۋ ماقساتىندا ولاردىڭ ماڭدايالدى جۇمىستارىنا باسىلىم بەتىنەن ورىن ۇسىنىپ وتىرمىز. زاماناۋي سيپاتتا, جاڭاشا تۇرپاتتا تۇسىرىلگەن بۇل تۋىندىلار وقىرمان كوڭىلىنەن شىعادى دەگەن ويدامىز.
يسمايل حايكير,تۇركيا
قىزعالداق تاقىرىبىن 12 جىل بويى ءتۇسىرىپ كەلە جاتقان فوتوگراف.
العاشقى ءتۇرلى-ءتۇستى سۋرەت كورمەسىن 1985 جىلى وتكىزگەن.
2005 جىلى حاسسەلبلاد جۋرنالىنىڭ ءتۇرلى-ءتۇستى فوتوگرافيا نوميناتسياسىنىڭ جۇلدەگەرى. 2012 جىلى «ەكسپەريمەنتالدى زەرتتەۋلەر» مەملەكەتتىك فوتوبايقاۋىنىڭ جۇلدەگەرى. تۇركيا مەملەكەتى پرەمەر-ءمينيسترىنىڭ كەڭسەسىندە فوتوگراف, «ينسيتي» جۋرنالىندا ارت-ديرەكتور قىزمەتتەرىن اتقارعان.