قىزىلوردادا كۇرىش وسىرۋمەن اينالىساتىن شارۋاشىلىقتارعا ارنالعان «تىڭايتقىشتاردى ءتيىمدى پايدالانۋ جانە كۇرىش ونىمدىلىگىن ارتتىرۋ» تاقىرىبىندا سەمينار ءوتتى.
وبلىستاعى كاسىپكەرلەر پالاتاسىنىڭ ءبولىم باسشىسى جاسۇلان سەرىكوۆ بۇل سەميناردىڭ شارۋالار ءۇشىن وتە پايدالىلىعىن ايتادى.
– كۇرىش القاپتارىنان جوعارى ءونىم الۋ ءۇشىن «تەگىن كەڭەس بەرۋ قىزمەتىن» باستاماقشىمىز. ناتيجەسىندە كەز كەلگەن كۇرىششى اپتاسىنا ەكى كۇن كەڭسەگە بارىپ كەڭەس الۋعا جانە ماماندى ەگىس القابىنا شاقىرتىپ قاجەتتى پايدالى نۇسقاما-كەڭەستەرىن الۋ مۇمكىندىكتەرىنە يە بولماق. مۇنداي «كەڭەس بەرۋ قىزمەتتەرى» ەۋروپا ەلدەرىندە جاقسى جولعا قويىلعان. شارۋاشىلىقتار كوپ ورنالاسقان وڭىرلەردە اشىلىپ, زەينەت جاسىنداعى تاجىريبەسى مول اۋىلشارۋاشىلىق مامانداردى جۇمىسقا الىنىپ, جاس شارۋاشىلىقتارعا قولداۋ جاسايدى. قازىرگى تاڭدا اگرونوم-ماماننىڭ تۇراقتى وتىراتىن ورنىن ۇيىمداستىرۋ شارالارىن جۇرگىزۋدەمىز, – دەدى جاسۇلان سەرىكوۆ.
اتالعان جوبا العاشقى بولىپ سىرداريا اۋدانىندا قولعا الىنباق.
باقتيار تايجان,
«ەگەمەن قازاقستان»
قىزىلوردا وبلىسى