بۇدان بۇرىن دا حابارلاعانىمىزداي, قوستانايدا وتكەن «التىن ميكروفون» حالىقارالىق بالالار ءان بايقاۋىندا ءوزىنىڭ باعىن سىناعانداردىڭ سانى 70-تەن اسىپ جىعىلدى.
7 مەن 21 جاس ارالىعىنداعى بالالاردىڭ بارلىعى دا تالاپتى, تالانتتى. ەكى كۇن بويى ولاردى ىرىكتەۋ دە حالىقارالىق كاسىبي قازىلار القاسىنا وڭايعا تۇسكەن جوق. بۇل جولى بايقاۋعا قازاقستاننىڭ وبلىستارىمەن قاتار بولگاريادان, ارمەنيادان, ليتۆادان جانە رەسەيدەن جاس تالانتتار قاتىستى.
بايقاۋدىڭ قورىتىندىسى كۇنى ساحناعا 20 جاس ءانشى كوتەرىلدى. ولار بايقاۋدىڭ جۇلدەسىن ءبولىستى. كىشى توپ اراسىندا ءبىرىنشى ورىندى قوستانايلىق پولينا كوسەنكو, ورتاڭعى توپتا ارمەنيادان كەلگەن مانە اكوبيان, ۇلكەن توپتا تاعى دا قوستانايلىق ءاليا نايلياەۆا الدى. ال 18 بەن 21 جاس ارالىعىن قامتيتىن ەرەسەك توپتا «التىنعا» رۋدنىي قالاسىنان كەلگەن مەيىرحان نازارحانوۆ يە بولدى.
«التىن ميكروفوننىڭ» باس جۇلدەسى بولگاريالىق كىشكەنتاي ءانشى, قوستانايلىقتاردى بۇلاقتاي كاۋسار داۋسىمەن جانە دارىنىمەن تاڭعالدىرعان سەسيل الپەر سابريگە بۇيىردى.
ء نازيرا جارىمبەت
«ەگەمەن قازاقستان»
قوستاناي