كوپىر قۇرىلىسىنا قوسىمشا قارجى قاجەت

نىساننىڭ جالپى قۇنى 9 800,0 ملن تەڭگەنى قۇرايدى. 2014-2017 جىل­دار ارالىعىندا اتال­عان جو­با­عا 7 550,3 ملن تەڭگە كولە­مىن­دە قار­جى بولىنگەن. وسى قارا­جات­تىڭ 6 050,3 ملن تەڭگەسى, ياع­ني 80% جەرگىلىكتى بيۋدجەت ەسەبىنەن يگەرىلگەن. بۇل كوپىر رەسپۋب­لي­كالىق ماڭىزداعى اقتوبەدەن رەسەي­لىك استراحانعا دەيىنگى جولدى قىسقارتىپ, ترانزيتتىك كولىك اعىنىن اتىراۋعا كىرگىزبەي وتكىزۋگە مۇمكىندىك بەرەدى. سونى­مەن قاتار 50 مىڭنان اسا تۇر­عىنى بار 18 ەلدى مەكەن حال­قى­نىڭ بۇگىنگى كۇنگە دەيىن اۋدان ورتا­لى­عىنا پاروممەن قاتى­ناۋى تۇر­عىنداردىڭ تىرشى­لىگى­نە قولايسىز ءارى قاۋىپتى جايت جانە ءوڭىردىڭ الەۋمەتتىك-ەكونوميكالىق دامۋىنا دا كەرى اسەرىن تيگىزۋدە.

وسى تاراپتا اسا قاجەتتى كوپىر قۇرىلىسى جۇمىسىن جىلدام اياقتاپ, ىسكە قوسۋ ماقساتىندا 2018-2020 جىلدارعا ارنالعان رەسپۋبليكالىق بيۋدجەتتى ناقتى­لاۋ كەزىندە قوسىمشا 1 500,0 ملن تەڭگە بولىنگەن جاعدايدا, بيىلعى جىلى نىساندى تولىقتاي ءبىتىرىپ, ىسكە قوسۋعا مۇمكىندىك تۋادى.

نىساننىڭ الەۋمەتتىك ماڭىز­دىلىعىن ەسكەرە وتىرىپ ۇكىمەت باسشىسى باقىتجان ساعىن­تاەۆتىڭ اتىنا جولداعان ساۋال ارقىلى 2018 جىلعى رەسپۋب­ليكا­لىق بيۋدجەت ەسەبىنەن جوعارىدا اتالعان قالعان قارجى سوماسى­نىڭ بولىنۋىنە ىقپال ەتۋدى سۇراپ وتىرمىز.

عۇمار دۇيسەمباەۆ,

سەنات دەپۋتاتى