پرەزيدەنتتىڭ بەس الەۋمەتتىك باستاماسىن زەيىن قويىپ وقىدىق. اسىرەسە «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ» تۋرالى باستاما ءۇشىن شەكسىز قۋاندىم.
مەنىڭ ويىمشا, قوسىمشا گرانتتاردىڭ ءبولىنۋى, اسىرەسە تەحنيكالىق ماماندىقتارعا باسىمدىق بەرىلۋى جاستار ءۇشىن ۇلكەن مۇمكىندىك. بولاشاقتى نانوتەحنولوگيا مەن روبوت-تەحنيكانىڭ قولىندا دەپ ەسەپتەسەك, ءبىزدىڭ جاستار زامان كوشىنەن قالماۋى ءتيىس.
سونداي-اق جاتاقحانا سالۋ تۋرالى ماسەلە دەر كەزىندە كوتەرىلدى دەپ ەسەپتەيمىن. ويتكەنى قازىر ءاربىر وقۋ ورىندارىنىڭ باسىبايلى جاتاقحاناسى جوق, ال پاتەر جالداپ تۇرۋعا شالعاي اۋىلدان كەلگەن جاستاردىڭ قارجىلارى جەتە بەرمەيدى. باسىندا باسپاناسى بار جاستارىمىز پاتەر ءۇشىن الاڭداماي, تەك وقۋعا دەن قوياتىنى راس.
مەن مەملەكەت باسشىسىنىڭ جاستار ءۇشىن بارلىق مۇمكىندىكتى جاساپ جاتقاندىعىنا قۋانىشتىمىن.
رايسا مادەنوۆا-حۆان,
ماڭعىستاۋ وبلىستىق «چوسون» كورەي ەتنومادەني بىرلەستىگىنىڭ ءتورايىمى