«الدىمەن – ادام, سوسىن – مامان» دەگەن ءسوز بار. ادام كاپيتالىن دامىتۋ ءۇشىن بىلىكتى مامان بولۋ از, ول الدىمەن ادامگەرشىلىگى مول, رۋحاني باي, «كەۋدەسى التىن ساندىق» ادام بولۋى ءتيىس. ەلباسى «بولاشاققا باعدار: رۋحاني جاڭعىرۋ» اتتى ماقالاسىندا: «بىزگە ينجەنەرلەر مەن دارىگەرلەر عانا ەمەس, قازىرگى زاماندى جانە بولاشاقتى تەرەڭ تۇسىنە الاتىن ءبىلىمدى ادامدار دا اۋاداي قاجەت» دەگەن بولاتىن.
سول ءۇشىن قازاقستان حالقى اسسامبلەياسى «رۋحاني جاڭعىرۋ» باعدارلاماسىنىڭ «جاڭا گۋمانيتارلىق ءبىلىم.قازاق تىلىندەگى 100 جاڭا وقۋلىق» جوباسىن تالقىلاۋ بويىنشا وتكىزىپ جاتقان بىرىڭعاي كۇن اياسىندا وبلىستا ءبىرشاما شارالار قولعا الىندى. وبلىستىق حالىقتار دوستىعى ۇيىندە رەسپۋبليكالىق «National bookdating» اكتسياسىنا ورايلاستىرىلعان ستۋدەنت جاستاردىڭ زياتكەرلىك ويىندارى ءوتتى. وندا حالىقتار دوستىعى ۇيىندەگى جاستاردىڭ اقپاراتتىق-ءتۇسىندىرۋ توبىنىڭ سپيكەرى رۋسلان مۇرزاعاليەۆ «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسىنىڭ جۇزەگە اسىرىلىپ جاتقانى تۋرالى ايتىپ بەردى.
جاستاردىڭ زياتكەرلىك ويىنىن ۇيىمداستىرۋشىلار سۇراقتاردىڭ بارلىعىن دەرلىك «رۋحاني جاڭعىرۋ» باعدارلاماسى توڭىرەگىندە ويلاستىردى. ءار كومانداعا بەس وقۋشىدان كىردى. جارىس قورىتىندىسىندا وقۋشىلار 100 گۋمانيتارلىق وقۋلىق جونىندەگى ۆيكتورينالىق سۇراقتارعا دا جاۋاپ بەردى. قازىلار القاسىنىڭ شەشىمىمەن قالاداعى №7 ورتا مەكتەپتىڭ كومانداسى ءبىرىنشى ورىندى جەڭىپ الدى.
ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىندە «جاڭا ونەركاسىپتىك رەۆوليۋتسيا جاعدايىنداعى ادام كاپيتالىنىڭ ساپاسى» تاقىرىبىمەن وتكەن حالىقارالىق «بايتۇرسىنوۆ وقۋلارى» عىلىمي-تاجىريبەلىك كونفەرەنتسيادا دا جاڭا» جوبا تۋرالى ايتىلدى.
– الاش زيالىلارىنىڭ قازاق تىلىندە وقۋلىق جازۋ باستاماسى «رۋحاني جاڭعىرۋ» باعدارلاماسىندا جالعاسىن تاۋىپ, الەمنىڭ ۇزدىك 100 وقۋلىعىن قازاق تىلىنە اۋدارۋ جۇمىسى قولعا الىندى. بۇل انا ءتىلىمىزدى دامىتۋعا, ونىڭ باسەكەگە قابىلەتتىلىگىن ارتتىرۋعا قوسىلعان ۇلكەن كومەك. وسى ارقىلى قازاق جاستارىنىڭ ءبىلىم كوكجيەگىن كەڭەيتىپ, باسەكەگە قابىلەتتىلىگى ارتتىرا تۇسەتىنى ءسوزسىز, – دەيدى ا.بايتۇرسىنوۆ اتىنداعى ۋنيۆەرسيتەت پروفەسسورى الماسبەك ابسادىق.
جوبانى تالقىلاۋ ءالى دە جالعاسىن تابادى.
ءنازيرا جارىمبەت,
«ەگەمەن قازاقستان»
قوستاناي