جەرگىلىكتى ارنا قىرعىزستان پارلامەنتى جاڭا پرەمەر-مينيستر لاۋازىمىنا ۇسىنىلعان مۋحاممەدكالىي ابىلگازيەۆتىڭ كانديداتۋراسىن ماقۇلداعانىن حابارلادى.
ۇكىمەت باسشىسى جاڭادان سايلانعانىمەن 12 مينيستر مەن 4 كوميتەت باسشىسى سول كۇيىندە قالدى. تەك ۆيتسە-پرەمەر قىزمەتىنە جاڭا ادامدار سايلانۋى مۇمكىن.
جاقىندا قىرعىزستان پارلامەنتىندەگى وپپوزيتسيالىق پارتيا وكىلدەرى بۇرىنعى پرەمەر-مينيستر ساپار يساكوۆقا سەنىمسىزدىك تانىتۋ تۋرالى ۇسىنىس جاساعان بولاتىن. ونىڭ وتستاۆكاعا كەتۋىن پارلامەنتتەگى 112 دەپۋتاتتىڭ 101-ءى قولدادى. وسىدان سوڭ ەل پرەزيدەنتى ساپار يساكوۆتىڭ وتستاۆكاسىن قابىل الدى.