«نۇر وتان» پارتياسىنىڭ الماتى قالالىق فيليالىنىڭ ءباسپاسوز ورتالىعىندا جولاۋشىلار تاسىمالى جانە اۆتوموبيل جولدارى باسقارماسىنىڭ باسشىسى ماقسۇت يساقوۆپەن قالا جولدارىنىڭ قۇرىلىسى مەن ونى جوندەۋ بارىسى جونىندە بريفينگ ءوتتى.
بريفينگتى اشقان «نۇر وتان» پارتياسىنىڭ الماتى قالالىق فيليالى توراعاسىنىڭ ورىنباسارى,قالالىق ءماسليحات دەپۋتاتى ستانيسلاۆ كانكۋروۆ ءوز سوزىندە ەلباسىمىز جەرگىلىكتى بيلىك ورگاندارى تۇرعىلىقتى حالىقپەن تىعىز بايلانىستا بولۋلارىن قاداپ ايتقانىن اۋىزعا الا وتىرىپ, مەملەكەتتىك ورگاندار اتقارىپ جاتقان جۇمىستارى ءۇشىن, پارتيانىڭ دايەكتى تاقىرىپتارىنا وراي ىستەلىپ جاتقان جۇمىستارىن ورتاعا سالۋعا ءتيىمدى جول بولۋعا الاڭقاي ۇسىنۋعا قولايلى مۇمكىندىك جاساپ وتىرعانىن ءسوز ەتتى.
وسى ورايدا بۇگىنگى بريفينگ بارىسىندا وزەكتى تاقىرىپتى ءسوز ەتىپ وتىرعان ماقسۇت يساقوۆ قالاداعى اۆتوموبيل جولدارىنىڭ قۇرىلىسى مەن جوندەۋ ماسەلەلەرىنە توقتالىپ كەتتى.
"قازىردىڭ وزىندە ناۋرىزباي, الاتاۋ, بوستاندىق اۋداندارىنىڭ اۋماعىندا قىزۋ قولعا الىنعان جۇمىستاردىڭ جاندانىپ جاتقانىن ايتتى. قالا بويىنشا ايالدامالىق الاڭقايلاردىڭ اياقتالىپ قالعانىنا توقتالدى. اباي داڭعىلى ۇزارا تۇسەتىنىن,ال, نۇرسۇلتان نازارباەۆ داڭعىلى الداعى كۇندەرى الماتى 1 ۆوكزالىنا قاراي جالعاساتىنىن ءسوز ەتتى. كەلبەتتى الماتىنىڭ كورىكتى كوشەلەرى ادەمى اسپەتىن الداعى كۇندەرى بۇرىنعىدان دا جارقىراي تۇسەتىن بولادى" دەدى ماقسۇت يساقوۆ.
الماتىنىڭ ايشىقتى جولدارى 155 شاقىرىمعا ۇزارىپ, بيىل 157 كوشە كورىكتەنە تۇسەدى.
ساپارباي پارمانقۇل,
«ەگەمەن قازاقستان»
الماتى