ورتالىق كوممۋنيكاتسيالار قىزمەتى الاڭىندا وڭدەۋشى ونەركاسىپ وداعىنىڭ ءباسپاسوز كونفەرەنتسياسىن وتكىزدى. ءىس-شاراعا, وداق باسقارماسىنىڭ توراعاسى مارات باققۇلوۆ, «اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى قۋانىش ءبيشىموۆ, «قازاقستاننىڭ فارماتسەۆتىك جانە مەديتسينالىق ءونىم وندىرۋشىلەر قاۋىمداستىعى «قازاقستاننىڭ فارم مەديندۋسترياسى» زاڭدى تۇلعالار بىرلەستىگىنىڭ پرەزيدەنتى, وداق باسقارماسىنىڭ مۇشەسى رۋسلان سۇلتانوۆ, «قازاقستان رەسپۋبليكاسى جيھاز جانە اعاش وڭدەۋ ءوندىرىسى كاسىپورىندارىنىڭ قاۋىمداستىعى» زاڭدى تۇلعالار بىرلەستىگىنىڭ ۆيتسە-پرەزيدەنتى, وداق باسقارماسىنىڭ مۇشەسى يگور پروتسەنكو, وداقتىڭ اتقارۋشى ديرەكتورى ادىلبەك بەكتىباەۆ قاتىستى.
وڭدەۋشى ونەركاسىپ وداعىنا «اتامەكەن» ۇلتتىق كاسىپكەرلەر پالاتاسىندا تىركەلگەن التى سالالىق بىرلەستىك كىرەدى. وندەۋشى ونەركاسىپ وداعى ماشينا جاساۋ كاسىپورىندارىن جانە ماشينا جاساۋ, حيميا جانە جەڭىل ونەركاسىپ, فارماتسەۆتيكا, ليفت, جيھاز, تسەلليۋلوزا-قاعاز جانە وراۋ ونەركاسىبى سالالارىندا ءارتۇرلى جوعارى تەحنولوگيالىق ونىمدەردى شىعارۋمەن اينالىساتىن 243 كومپانيانى بىرىكتىرەتىن التى سالالىق اسسوتسياتسيانى بىرىكتىردى.
زاڭدى تۇلعالار بىرلەستىگى قازاقستان ەكونوميكاسىنا قوماقتى ۇلەس قوسقان كومپانيالاردى نىعايتتى. ولاردىڭ ىشىندە تانىلعان فلاگماندار – «Alageum Electric» اق جانە «ASTANA يۋتاريا ltd» وندىرىستىك يننوۆاتسيالىق كومپانياسى» جشس. باستى ماسەلە: نەگە ءبىز بىرىگۋىمىز كەرەك بولدى؟ ەلدىڭ ەكونوميكالىق دامۋى وڭدەۋشى ونەركاسىپ سەكتورىن جاڭعىرتۋسىز مۇمكىن ەمەس», دەپ اتاپ ءوتتى م.باققۇلوۆ.
راۋان قايدار,
«ەگەمەن قازاقستان»