پارلامەنت سەناتى الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا «قازاقستان حالقى اسسامبلەياسى تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى.
زاڭ جوباسى مەملەكەت باسشىسىنىڭ 2017 جىلعى 4 قىركۇيەكتە قازاقستان رەسپۋبليكاسى پارلامەنتىنىڭ التىنشى شاقىرىلىمى ءۇشىنشى سەسسياسىنىڭ اشىلۋىندا بەرگەن تاپسىرمالاردى ىسكە اسىرۋ ماقساتىندا ازىرلەندى.
قۇجاتتا قازاقستان حالقى اسسامبلەياسى قىزمەتىنىڭ, قۇرىلىمى مەن باسقارۋ ورگاندارىنىڭ قۇقىقتىق مارتەبەسىن, ماقساتتارىن, مىندەتتەرىن, قاعيداتتارىن, نەگىزگى باعىتتارىن ناقتىلاۋ كوزدەلىپ وتىر. قازاقستان حالقى اسسامبلەياسىنىڭ قىزمەتىنە قوعامدىق كەلىسىم مەن جالپىۇلتتىق بىرلىك سالاسىنداعى قايىرىمدىلىق پەن مەدياتسيانى دامىتۋعا ىقپال ەتۋ تۇرىندە جاڭا باعىت ەنگىزىلەدى. جاڭا باپ اسسامبلەيانىڭ ماقساتتارى مەن مىندەتتەرىن بولىسەتىن ەتنومادەني بىرلەستىكتەردىڭ قىزمەتتەرىن رەتتەيدى, ازاماتتاردىڭ بەلسەندىلىگى مەن وزىندىك ارەكەتىن دامىتۋعا, ولاردىڭ داستۇرلەردى, تىلدەر مەن مادەنيەتتى ساقتاۋ جانە دامىتۋ سالاسىنداعى مۇددەلەرىن قاناعاتتاندىرۋعا باعىتتالعان. زاڭ جوباسى داستۇرلەردى, تىلدەر مەن مادەنيەتتى ساقتاۋ جانە دامىتۋ سالاسىنداعى ەتنومادەني بىرلەستىكتەردىڭ قىزمەتىنە مەملەكەتتىك قولداۋدى جۇزەگە اسىرۋدى, مەملەكەتتىك ورگانداردىڭ قازاقستان رەسپۋبليكاسىنىڭ زاڭناماسىنا سايكەس قوعامدىق كەلىسىم مەن جالپىۇلتتىق بىرلىكتى نىعايتۋدى كوزدەيدى. سونداي-اق ەتنومادەني بىرلەستىكتەر ينستيتۋتى ودان ءارى جەتىلدىرۋگە باعىتتالعان قوعامدىق اككرەديتتەۋ راسىمىنەن وتەتىن بولادى.
زاڭعا سونىمەن قاتار قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلىنىڭ, مەملەكەتتىك ورگانداردىڭ, ۇيىمداردىڭ جانە ازاماتتىق قوعام ينستيتۋتتارىنىڭ ەتنوسارالىق قاتىناستار سالاسىنداعى ءوزارا ءىس-قيمىلىنىڭ تيىمدىلىگىن ارتتىرۋعا ارنالعان ەرەجەلەر ەنگىزىلەدى. قازاقستان حالقى اسسامبلەياسىنىڭ جۇمىس ىستەۋىن ۇيىمداستىرۋشىلىق, قارجىلىق, ماتەريالدىق-تەحنيكالىق جانە وزگە دە قامتاماسىز ەتۋ ماقساتىندا زاڭ جوباسىندا اسسامبلەيانىڭ اتقارۋشى ورگاندارى ايقىندالادى جانە ولاردىڭ قىزمەتىنىڭ ءتارتىبى رەتتەلەدى.
زاڭ جوباسىنىڭ قابىلدانۋى قازاقستان قوعامىنداعى ەتنوسارالىق كەلىسىم مەن تولەرانتتىقتى, ەلدەگى تۇراقتىلىق پەن قۇقىقتىق ءتارتىپتى ودان ءارى نىعايتۋ ءۇشىن قولايلى جاعدايلارمەن قامتاماسىز ەتۋگە ىقپال ەتەتىن بولادى.
زاڭ جوباسى پالاتانىڭ قاراۋىنا جىبەرىلدى.