پرەمەر-ءمينيستردىڭ ورىنباسارى اسقار جۇماعاليەۆ, استانا اكىمى اسەت يسەكەشەۆ, باس پروكۋروردىڭ ورىنباسارى مارات احمەتجانوۆ جۇمىس بارىسىمەن سيتۋاتسيالىق ورتالىققا بارىپ, «سەرگەك» جوباسىن ىسكە اسىرۋ جونىندەگى ماسەلەلەردى تالقىلادى, دەپ حابارلايدى primeminister.kz.
اسقار جۇماعاليەۆكە «سەرگەك» فوتو-بەينە تىركەۋ جۇيەسىنىڭ بارلىق مۇمكىندىكتەرى, Qamqor ايىپپۇل تولەۋ جۇيەسى مەن اكىمشىلىك قۇقىق بۇزۋشىلىقتىڭ بىرىڭعاي ءتىزىلىمى تانىستىرىلدى.
اسەت يسەكەشەۆ «سەرگەك» كامەراسىن ورناتۋ جانە «نولدىك توزىمدىلىك» قاعيداسىن ىسكە اسىرۋ جوسپارى ورتا ەسەپپەن قىلمىس جاعدايىن 30%-كە, ال جول-كولىك وقيعالارىن — 18%-كە تومەندەتۋگە ىقپال ەتكەنىن اتاپ ءوتتى.
تانىستىرۋ بارىسىندا ۆيتسە-پرەمەر ءىىم-گە باس پروكۋراتۋرا مەن ءىىم-ءنىڭ اقپاراتتىق جۇيەلەرىن بىرىكتىرۋ ءراسىمىن جەدەلدەتۋدى تاپسىردى.
بۇگىندە كامەرالاردى ورناتۋدىڭ ءبىرىنشى كەزەڭى اياقتالدى. قالادا 6365 كامەرا بىرىكتىرىلىپ, ورناتىلدى. بۇكىل قالانى «سەرگەك» كامەرالارىمەن قامتۋ 2018 جىلدىڭ 1 ماۋسىمىنا دەيىن اياقتالماق.
قاراي دەلەگاتسيا Astana LRT ءوفيسىنىڭ جۇمىسىمەن تانىستى. باسقارما توراعاسى بەكمىرزا يگەنبەردينوۆ قالانىڭ زياتكەرلىك كولىك جۇيەسى — باعدارلامالىق-اپپاراتتىق كەشەندى كورسەتتى. ول باعدارشامدار مەن بەينەباقىلاۋ جۇيەسىن ورتالىقتان باسقارۋعا مۇمكىندىك بەرەدى. ماماندار ITS جوباسى اياسىندا ايالدامالارعا جولاۋشىلارعا اۆتوبۋستىڭ كەلۋ ۋاقىتى تۋرالى اقپاراتتاندىرىپ تۇراتىن تابلو ورناتىلعانىن ايتتى. تابلوعا قاجەتتىلىك تۋىنداعان جاعدايدا تج مەن باسقا دا الدىن الا بەلگىسىز بولعان جاعدايلار تۋرالى قوسىمشا اقپاراتتاردى ورنالاستىرۋعا بولادى.
ديسپەتچەر ورتالىعىنا كەلگەن قوناقتار تاۋلىك بويى جەدەل رەجيمدە جۇرگىزىلەتىن ورتالىقتاندىرىلعان باسقارمانىڭ تاسىمالداۋ پروتسەسىمەن تانىستى. ارنايى ەكراندا قالانىڭ كارتاسى جانە قوزعالىس كەستەسىن باقىلايتىن ينديكاتورلى بارلىق اۆتوبۋستىڭ جاعدايى كورسەتىلگەن. قىزىل — ۋاقىتتان بۇرىن ءجۇرۋ, سارى — ۋاقىتتان قالىپ قويۋ, جاسىل — كەستەگە سايكەس ءجۇرۋ. اتالمىش كارتادا اۋىتقۋ بولعان جاعدايدا, سحەما وزگەرگەن كەزدە, تج بارىسىندا اۆتوبۋستاردىڭ ستاتۋسى وزگەرگەنى كورسەتىلەدى.
اسقار جۇماعاليەۆ اتالعان بارلىق فۋنكتسيالار قالا حالقىنىڭ ءومىرىن ايتارلىقتاي قولايلى ەتىپ, جاقسارتا تۇسەتىنىن ايتتى.
ء«بىز بۇگىن جوبالاردىڭ دايىن ەكەنىن كوردىك, ولار دۇرىس جۇمىس ىستەپ تۇر, اكىمدىك تۇرعىنداردان تۇسكەن شاعىمدار مەن وتىنىشتەرگە جەدەل ارەكەت ەتىپ, جاۋاپ بەرەدى. بىزگە ەندى تاعى ءبىر ماڭىزدى جۇمىستى جۇرگىزۋ كەرەك — بارلىق اقپارات قولجەتىمدى بولاتىن ءموبيلدى قوسىمشانى ازىرلەپ, جەتىلدىرۋ. سەبەبى ەنگىزىلىپ جاتقان تەحنولوگيالار بارلىعىمىزدىڭ قاۋىپسىزدىگىمىز بەن جايلىلىعىمىزدى قامتاماسىز ەتەدى, دەمەك قالالىقتار ولارعا وڭاي قول جەتكىزۋى كەرەك», — دەدى ۆيتسە-پرەمەر.
قازىرگى تاڭدا جولاۋشىلار اۆتوبۋسىمەن 500 مىڭنان استام تۇرعىن قاتىنايدى.
نىسانداردى ارالاۋ قورىتىندىسى بويىنشا بارلىق جاۋاپتى قىزمەت ورىندارىنا ءتيىستى تاپسىرمالار بەرىلدى.