ءماجىلىسى دەپۋتاتتارى اسىلبەك سماعۇلوۆ, ساكەن وتەباەۆ جانە ولگا شيشيگينا الماتى وبلىسىنىڭ قاراتال اۋدانىندا جۇمىس ساپارىمەن بولىپ, ۇشتوبە اۋىلىنداعى «تاستوبە-اگروفۋد» ءسۇت-تاۋارلى فەرماسى مەن «باستوبە سەرۆيس-تەحنيكالىق كوللەدجىنىڭ جاي-كۇيىمەن تانىستى.
اۋدان تۇرعىندارىمەن كەزدەسكەن حالىق قالاۋلىلارى ەلباسىنىڭ «5 الەۋمەتتىك باستاماسى» اياسىندا جۇكتەلگەن مىندەتتەرگە توقتالىپ, ءتۇسىندىردى.
ءماجىلىس دەپۋتاتتارى ارنايى ات باسىن بۇرعان «تاستوبە اگروفۋد» جاۋاپكەرشىلىگى شەكتەۋلى سەرىكتەستىگى بۇگىندە 50 ادامدى تۇراقتى جۇمىسپەن قامتىپ وتىرعان بىرەگەي زاۋىت. تاۋارلى ءسۇت فەرماسىندا كۇنىنە 1500 توننا ءسۇت ساۋىلادى. ءوندىرىستىڭ دامۋى ءۇشىن 400 ميلليون تەڭگە ينۆەستيتسيا تارتىلعان.
ال باستوبە سەرۆيستىك-تەحنيكالىق كوللەدجى بەس نەگىزگى ماماندىق بويىنشا ءبىلىم بەرەدى. مۇندا بارلىعى 316 شاكىرت ءبىلىم الۋدا. دەپۋتتارمەن كەزدەسۋدە كوللەدج ۇستازدارى ءبىلىم سالاسىنا قاتىستى ساۋالدار قويىپ, وقۋلىق ساپاسى مەن شاكىرتاقى جايىن قوزعادى.
- جەتىسۋ وڭىرىنە جاساعان ساپارىمىزدا ەل تىلەگىن ەستىپ, الداعى جۇمىسىمىزدىڭ باعدارىن بەلگىلەپ قايتتىق. تۇرعىندار كوتەرگەن ماسەلە مەن ۇسىنىستارعا مىندەتتى تۇردە قوزعاۋ سالىپ, شەشىمىن تابۋعا جۇمىس جاسايتىن بولامىز, - دەيدى دەپۋتات ا. سماعۇلوۆ.
قالماحانبەت مۇقامەتقالي,
«ەگەمەن قازاقستان»
الماتى وبلىسى