اۋا رايى كۇرت جىلىنۋى سەبەپتى قار ەرىپ, گلۋبوكوە اۋدانىندا جەرگىلىكتى اۋقىمدا توتەنشە جاعداي جاريالاندى, دەپ حابارلايدى قر ءىىم توتەنشە جاعدايلار كوميتەتى.
قازىرگى ۋاقىتتا جەرگىلىكتى جانە اتقارۋ ورگاندارى قىزمەتكەرلەرى, كوممۋنالدىق قىزمەتتەر جانە ءورت ءسوندىرۋشى-قۇتقارۋشىلار پروگرەسس, گلۋبوكوە, تارحانكا, بەلوۋسوۆكا اۋىلدارىندا سۋدان تازارتۋ جۇمىستارىن جۇرگىزىپ جاتىر. «وسكەمەندە 17 ادام ءوز ۇيىنە ورالدى, 23 ادام ءالى دە «ۇلبى»الەۋمەتتىك كومەك كورسەتۋ ورتالىعىندا قالدى. تاعى 5 ادام ن. كرۋپسكايا اتىنداعى ينتەرناتقا جايعاستىرىلدى. كەي تۇرعىندار تۋىستارىنىڭ ۇيىندە ۋاقىتشا تۇرىپ جاتىر», - دەلىنگەن كوميتەت حابارلاماسىندا.
سۋباسقان ايماققا كومەك كورسەتۋ ءۇشىن بۇگىن تۇندە پاۆلودار وبلىسىنان قۇتقارۋشىلار توبى كەلدى. اپات سالدارىن جويۋ جۇمىستارى كۇندىز-ءتۇنى جۇرگىزىلىپ جاتىر. جەكە قۇرام مەن قۇتقارۋشىلار توبى سۋ ارناسىن بۇرۋعا جۇمىلدىرىلدى. ءبىر تاۋلىكتە شامامەن 12 مىڭ تەكشە مەتر سۋ شىعارىلدى, ينەرتتى ماتەريالى بار شامامەن 6 مىڭ قاپشىق توسەلدى.
«وسكەمەن-سەمەي» تاس جولىنىڭ 29 شاقىرىمىنداعى جول اشىلدى. جول جابىنىن سۋ باسۋ قاۋپى سەيىلدى. قاۋىپتى ايماقتاردى باقىلاۋ تاۋلىك بويى جۇرگىزىلۋدە. ءوز كەزەگىندە, قۇتقارۋشىلار ازاماتتاردى بايبالام سالماۋعا, مەسسەندجەر ارقىلى تاراپ جاتقان ارانداتۋشىلىق حابارلامالارعا سەنبەۋگە شاقىرادى. سۋ دەڭگەيىنىڭ كوتەرىلگەنى بايقالسا, «112» جانە «138» تەلەفوندارىنا حابارلاسقان ءجون. قۇتقارۋ قىزمەتى كەلگەنشە قۇجاتتاردى, قاجەت زاتتاردى جانە ازىق-ت ۇلىك قورىن الۋ قاجەت. قازىرگى ۋاقىتتا 49 ءۇي مەن جۇزدەن استام اۋلانى سۋ باسقان. قۇتقارۋ جانە ءورت ءسوندىرۋ بولىمشەلەرىنىڭ نەگىزگى كۇشتەرى مەن قۇرالدارى وبلىس ورتالىعى مەن گلۋبوكوە اۋىلىنا باعىتتالىپ وتىر. پروگرەسس اۋىلىندا سۋ تاسقىنى سالدارىنان 50-دەن استام ادام كوشىرىلدى. ادامداردىڭ ءبىر بولىگى اۋىل مەكتەبىنە, كەي تۇرعىندار - تۋىستارىنا ورنالاسقان. 10 ءىرى قارا مال جانە 20 ۇساق ءمۇيىزدى قاۋىپسىز جەرگە جەتكىزىلدى.