اياگوزدە ءۇيىن سۋ باسقان 12 وتباسى جاڭا پاتەرگە كىردى. باسپانا كىلتىن وبلىستىڭ اكىمى دانيال احمەتوۆ تاپسىردى.
وسىدان تۋرا توعىز كۇن بۇرىن اياگوز قالاسىنداعى كىشى اياگوز وزەنى ارناسىنان اسىپ, 100-دەن استام ءۇيدى سۋ باسىپ, 8 ءۇي مۇلدە جارامسىز, 10 ءۇي اپاتتى دەپ تانىلعان ەدى. الايدا ارنايى قۇرىلعان كوميسسيا كەيىن تاسقىننان 189 ءۇيدىڭ زارداپ شەگىپ, 8 ءۇيدىڭ قيراپ قالعانىن, 32 ءۇيدىڭ تۇرۋعا جارامسىز ەكەنىن انىقتاعان-دى. بۇگىن وبلىس اكىمى دانيال احمەتوۆ اياگوز قالاسىنا ارنايى بارىپ, قارعىن سۋدىڭ كەسىرىنەن باسپاناسىز قالعان 12 وتباسىعا پاتەر كىلتتەرىن تابىستادى.
«مىنە, قىسقا مەرزىم ىشىندە 49 ملن 500 تەڭگەگە ون ەكى ءۇيدى ساتىپ الىپ, وزدەرىڭىزگە بەرىپ وتىرمىز. ەندى ءبىر ون كۇننەن سوڭ تاعى دا 15 وتباسىن پاتەرلەرمەن قامتاماسىز ەتەمىز بە دەگەن ويىمىز بار. ءسال سابىر ساقتاڭىزدار. سىزدەردىڭ وسىنداي قۋانىشتى, ريزا كوڭىلدى جۇزدەرىڭىزدى كورۋ ءبىز ءۇشىن دە ءبىر باقىت. كەلە جاتقان ناۋرىز مەرەكەسى قۇتتى بولسىن», - دەدى ايماق باسشىسى.
تابيعاتتىڭ توسىن مىنەزىنەن ءاپ ساتتە باسپاناسىنان ايىرىلىپ قالسا دا, سىن ساعاتتا ەلدىڭ, جەرگىلىكتى بيلىكتىڭ قامقورلىعىن, قولداۋىن سەزىنگەن اياگوز تۇرعىندارى اعىنان جارىلا لەبىزدەرىن جەتكىزدى. «كۇل دەپ ەدىڭىز مىنە, ك ۇلىپ ءجۇرمىز. ءسىز تابيعات اپاتى باستالعاننان بەرى ەكىنشى مارتە كەلىپ تۇرسىز. ءبىر اپتا ىشىندە تالاي شارۋا تىندىرىلدى. وعان حالىق تا كۋا. جان-جاقتان ازىق-ت ۇلىك, كيىم-كەشەك, قۇرىلىس ماتەريالدارى لەگ-لەگىمەن كەلىپ جاتىر. مىڭ دا ءبىر راحمەت. مەملەكەتكە, ەلباسىمىزعا, وزىڭىڭىزگە, جەرگىلىكتى ازاماتتارعا العىسىمىز شەكسىز», - دەدى ءتىلسىز جاۋدان زارداپ شەككەن اياگوز قالاسىنىڭ تۇرعىنى مەرۋەرت داۋىتباەۆا.
رەتى كەلگەندە ايتا كەتەيىك, اياگوز اۋدانىنا وسى ۋاقىتقا دەيىن 34 ملن 255 مىڭ تەڭگەنىڭ گۋمانيتارلىق كومەگى كورسەتىلىپتى. وبلىستىق «پارىز» قورىنان بولىنگەن 100 ملن تەڭگەنى قوسا العاندا «اياگوز بولاشاق» قايىرىمدىلىق قورىنا 169 ملن تەڭگە ءتۇسىپتى.
ازامات قاسىم, «ەگەمەن قازاقستان»
شىعىس قازاقستان وبلىسى,
اياگوز اۋدانى