استانا قالاسىنىڭ سەيفۋللين 67 مەكەن جايىندا ورنالاسقان بالالار ۇيىنەن ورت شىقتى, دەپ حابارلايدى Egemen.kz.
ءورت عيماراتتىڭ ءۇشىنشى قاباتىنان شىققان. شامامەن استانا ۋاقىتى بويىنشا 12:15-تە باستالعان. ءورت سوندىرۋ جانە اۆاريالىق-قۇتقارۋ جۇمىستارى قىزمەتى 15 مينۋتتان كەيىن كەلىپ, ءورتتى ءسوندىردى. بالالار ءۇيىنىڭ تاربيەلەنۋشىسىنىڭ ايتۋىنشا, اتالعان باس كورپۋستا جوندەۋ جۇمىستارى جۇرگىزىلىپ جاتقان.
ء«بىر ادام ءيىس ءتيىپ, زارداپ شەكتى. قازىر ونى جەدەل-جاردەم قىزمەتكەرلەرى №1 قالالىق اۋرۋحاناعا الىپ كەتتى. جاعدايى ورتاشا», دەدى اپاتتار مەديتسيناسى ورتالىعىنىڭ قىزمەتكەرى نۇربەك نۇرعالي.
ءورتتىڭ شىعۋ سەبەبى جايلى ناقتى اقپارات جوق. تجق وكىلدەرىنىڭ مالىمەتىنشە بالالار قاۋىپسىز جەرگە كوشىرىلدى. ال مەكەمە باسشىسى جۋرناليستەرگە پىكىر بىلدىرۋدەن باس تارتىپ وتىر.