ۇلتتىق بانك حابارلايدى, تۇسىنىكتەمە بەرەدى, تۇسىندىرەدى

قر ۇلتتىق بانكىنىڭ تور­اعاسى دانيار اقىشەۆ 2017 جىلدىڭ كۇزىندە قازاقستان قارجىگەرلەرىنىڭ كونگرەسىندە ءسوز سويلەگەن كەزدە ءوزى باسقاراتىن ۆەدومستۆو جۇمىسىندا جۇيەلىلىك, ايقىندىق جانە بولجامدىلىق سياقتى قاعيداتتى قاتاڭ تۇردە ۇستاناتىنىن مالىمدەدى. بۇل رەتتە ايقىندىق پەن اقپارات­تىق اشىقتىق سانگە ەرۋ رەتىندە ەمەس, پراگماتيكالىق پراكتيكالىق پايىمداۋعا وراي نەگىزگى باسىمدىق بولدى. قارجى نارىعىنا كاسىبي قاتىسۋشىلاردا جانە حالىقتا اقپاراتتىڭ جەتىسپەۋشىلىگى نارىقتا دۇربەلەڭ تۋدىرىپ, تۇتىنۋشىلىق جاعدايعا, ول ارقىلى ايىرباستاۋ باعامىنا, دەپوزيت نارىعىنا جانە باسقاسىنا اسەر ەتۋى مۇمكىن. دانيار اقى­شەۆ­تىڭ ايتۋىنشا, ورتالىق بانكتىڭ ايقىندىعى استارىندا قابىلداناتىن شەشىمدەردىڭ نەگىزىندە جاتقان فاكتورلاردى ناقتى ءتۇسىندىرۋ بار. بۇل ورتالىق بانك پەن ەكونوميكا سۋبەكتىلەرى اراسىنداعى اقپاراتتىق اسسيمەتريانى تومەندەتۋگە جانە ولاردا وڭتايلى كۇتۋلەر قالىپتاستىرۋعا جاعداي جاسايدى. ورتالىق بانكتىڭ اقپاراتتىق اشىقتىعى جانە نارىققا قاتىسۋشىلاردىڭ كەيىنگى ءىس-قيمىلدارى تۋرالى حاباردار بولۋى جوعارى بولعان سايىن, ەكونوميكا سۋبەكتىلەرىنىڭ اقشا-كرەديت ساياساتىنا سەنىمى سوعۇرلىم جوعارى جانە ينفلياتسيالىق كۇتۋلەرى تومەن بولاتىنى بۇرىننان بەلگىلى.

ء «بىز اقشا نارىعىنداعى وپەراتسيالار تۋرالى, ولاردى قانداي دا بولماسىن جاعدايدا پايدالانۋ نەگىزدىلىگى, ىقتيمال تاۋەكەلدەر مەن ناتيجەلەر تۋرالى اقپاراتتى جاريا ەتەمىز. بۇدان باسقا, نارىققا ءوز ساياساتىنىڭ باعىتى تۋرالى بەلگى بەرە وتىرىپ, بازالىق مولشەرلەمەگە قاتىس­تى كەيىنگى ءىس-قيمىل تۋرالى باع­دار بەرەمىز, ۆاليۋتا نارىعى بو­يىنشا اقپاراتتى جاريالاپ, ون­داعى ءىس-ارەكەتتى جاريا ەتەمىز. ۇلت­تىق بانكتىڭ وپەراتسيالارى اشىق, بۇل حالىق ءۇشىن دە, نارىققا قاتىسۋ­شىلار ءۇشىن دە ماڭىزدى, سەبەبى تەڭگەنىڭ ايىرباس باعامى ءتۇرلى اقپاراتقا اسا سەزىمتال بولىپ قالۋ­دا. بۇل ورايدا تەك احۋال تۋ­رالى ءبىزدىڭ تۇسىنىك بەرۋىمىز, بانك­تەردىڭ كليەنتتەر اراسىنداعى تۇسىندىرمە جۇمىسى عانا ەمەس, قوعاممەن جۇيەلى پىكىر الماسۋ دا ماڭىزدى», دەپ اتاپ ءوتتى دانيار اقىشەۆ.

ۇلتتىق بانك ءوزىنىڭ اقپارات­تىق جۇمىسىندا ءتۇرلى اۋديتوريالارمەن جۇيەلى تۇردە پىكىر الماسادى. تۇراقتى تۇردە وتكىزىلەتىن ءباسپاسوز كونفەرەنتسيالارى مەن باق-تاعى سۇحباتتار حالىقتىڭ اۋقىمدى توپتارىنا اقپارات جەتكىزۋگە باعىتتالسا, ساراپشىلارمەن وتكىزىلىپ وتىرعان كەزدە­سۋلەر كاسىبي قوعامداستىق تاراپىنان تۋىندايتىن كەز كەلگەن سۇراقتاردىڭ جاۋابىن الۋعا مۇمكىندىك بەرەدى.

حالىقپەن تۇراقتى اق­پا­رات­تىق ءوزارا ءىس-قيمىلدىڭ ماڭىز­دى­لىعىن تۇسىنە وتىرىپ, قر ۇلتتىق بانكى «قۇب Online» ءموبيلدى قوسىمشاسىن ازىرلەدى, ول كەز كەلگەن پايدالانۋشىعا وتە قىسقا مەرزىمدە ۇلتتىق بانك­تىڭ قۇزىرەتىنە جاتاتىن بۇكىل ماسە­لە­لەر بويىنشا ەڭ وزەكتى اقپارات الۋعا مۇمكىندىك بەرەدى.

«قۇب Online» قوسىمشاسى رەتتەۋ­شىدەن جاڭالىقتار مەن وزگە اقپاراتتى جەدەل الۋعا مۇمكىندىك بەرگەننەن باسقا, ۇلتتىق بانكتىڭ ماماندارىمەن «كەرى بايلانىس» ورناتۋعا ءتيىمدى ءتاسىل بولىپ تابىلادى. قوسىمشانىڭ ينتەراكتيۆتى فۋنكتسيونالى پايدالانۋشىلار ءۇشىن بارىنشا تانىمال, سەبەبى سۇراقتار قويۋ جانە ونلاين رەجىمدە تۇسىنىكتەمە الۋ مۇمكىندىگىن بەرەدى. قازاقستاندىقتاردىڭ نەگىزگى سۇراقتارى ەكىنشى دەڭگەيدەگى بانك- تەر بەرەتىن كرەديتتەرگە, سونداي-اق بانكنوتتار مەن مونەتالارعا قاتىستى. وتىنىشتەردىڭ ەداۋىر بولىگى قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ ماسەلەلەرىنە ارنالعان. وسى جەردە كەز كەلگەن ازامات ەگەر ونىڭ قارجىلىق قىزمەتتەردى تۇتىنۋشى رەتىندەگى قۇقىقتارى بۇزىلدى دەپ ساناسا, شاعىم بەرە الادى.

سونىمەن بىرگە ۇلتتىق بانك «قۇب Online» ءموبيلدى قوسىم­شا­سىنىڭ كومەگىمەن الىناتىن ۆەدومستۆو ماماندارىنىڭ كونسۋلتاتسيالارى اقپاراتتىق-تۇسىندىرمە سيپاتىندا ەكەندىگىن ەسكە سالادى. ەگەر پايدالانۋشىعا رەتتەۋشىنىڭ رەسمي جاۋابى قاجەت بولسا, بۇل جاعدايدا «جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى» قازاقستان رەسپۋبليكاسىنىڭ زاڭىندا كوزدەلگەندەي, ۇلتتىق بانككە ءوتىنىش جاساۋ كەرەك.

بۇگىنگى كۇنى قوسىمشاداعى اقپارات مىناداي بولىمدەر بويىنشا ىڭعايلى ورنالاستىرىلعان: «بانكنوتتار مەن مونەتالار», «دەپوزيتتەر بويىنشا كەپىلدىك», «كوللەكتورلىق اگەنتتىكتەردىڭ قىزمەتى», «قارجىلىق قىز­مەت­تەردى تۇتىنۋشىلاردىڭ قۇ­قىق­تارىن قورعاۋ», «التىن قۇي­مالار», «يپوتەكالىق كرەديتتەر», «ايىرباستاۋ وپەراتسيالارى», «بانكتەردە قىزمەت كورسەتۋ», «تولەمدەر», «بانكوماتتاردىڭ جۇمىسى», «جۇمىسقا ورنالاسۋ», «باسقا دا». تاياۋ كۇندەرى «قۇب Online» قوسىمشاسىندا ارنايى ءبولىم پايدا بولدى, وندا قر ۇلتتىق بانكىنىڭ توراعاسى دانيار اقىشەۆقا 22 اقپانعا جوسپارلانعان ونلاين-كونفەرەنتسيا شەڭبەرىندە سۇراق قويۋعا بولادى. قازاقستاندىقتار ءۇش ساعات بويى ونلاين-رەجىمدە ۇلتتىق بانكتىڭ قىزمەتى, جۇر­گىزىلىپ وتىر­عان اقشا-كرەديت سايا­ساتى, قارجى­لىق قىزمەتتەر سا­لا­سىنداعى قۇ­قىق­تاردى قور­عاۋ تۋرالى سۇراق­تارعا جانە باس­قا دا كوپتەگەن ماسە­لەلەر بوي­ىنشا جاۋاپتار الا الادى. بۇدان باسقا, قر ۇلتتىق بانكىنىڭ باسشىسىنا سۇراقتاردى ءىس-شارانىڭ اقپاراتتىق سەرىكتەسى – «Kazinform» حالىقارالىق اقپاراتتىق اگەنت­تى­گىنىڭ سايتىندا, سونداي-اق قازاقستان ۇلتتىق بانكىنىڭ Facebook پەن Instagram-داعى رەسمي پاراقشالارىندا ونلاين-كون­فە­­رەن­تسيانىڭ اڭداتپالارىنا تۇسى­نىك­تەمەلەردە قويۋعا بولادى.

Youtube-تا كورسەتىلەتىن ونلاين-كونفەرەنتسيا شەڭبەرىندە ەڭ قىزىقتى سۇراققا كونكۋرس جاريالاندى. ۇلتتىق بانك باسشىسى سۇراقتىڭ وزەكتىلىگىن, دۇرىس ءارى ساۋاتتى قويىلۋىن نازارعا الا وتىرىپ, جەڭىمپازدى ءوزى جاريالايدى.

«قۇب «Online» ءموبيلدى قوسىمشاسىنىڭ App Store جانە Play Market دۇكەندەرىندە تيىسىنشە iOS جانە Android پلاتفورمالارىندا مەملەكەتتىك تىلدە جانە ورىس تىلىندە كوشىرۋ ءۇشىن قول­جەتىمدى ەكەندىگىن ەسكە سالامىز.