كاسىپتىك ءبىلىم اياسى كەڭەيدى

جيىندا وسى­عان دەيىنگى جولداۋدى قولداۋ ماق­سا­تىنداعى ءىس-شارالار تالقىلانىپ, جە­تىس­تىكتەر اتاپ ءوتىلدى. ماسەلەن, 2016-2017 وقۋ جىلىندا «بارشا ءۇشىن تەگىن كاسىپ­تىك-تەحنيكالىق ءبىلىم» باع­­دار­لا­ماسى نەگىزىندە 3 ايلىق قىس­قا مەر­زىمدى كۋرس بويىنشا تالعار اۋدا­نىنىڭ جۇمىسسىز جانە الەۋمەتتىك جاعدايى تومەن 200 تۇرعىنى جۇمىس­شى ماماندىعىن وقىدى. ءبىلىم الۋشى­لار تەگىن ءبىلىم الىپ, قوسىمشا تولەم­اقىمەن قامتاماسىز ەتىلدى. ەڭ باستىسى, جۇمىسپەن قامتاماسىز ەتىلدى.

2017-2018 وقۋ جىلىندا قوعامنىڭ قاجەتتىلىگى مەن كاسىپورىنداردىڭ سۇرانىستارىنا وراي, «ەلەكتروندى ەسەپتەۋ ماشينالارىن باپتاۋشى», «اۆتوەلەكتريك» ماماندىقتارى اشىل­­دى. بۇگىندە تالعار اۋدانى وڭى­رى­­نەن كوللەدجىمىزدە 50 ستۋدەنت وسى ماماندىق بويىنشا ءبىلىم الۋدا. سونداي-اق 11-سىنىپتان كەيىن «اۆ­توەلەكتريك» ماماندىعى بويىنشا 62 ءبىلىم الۋشىنى 10 ايلىق باعدارلاما نەگىزىندە وقۋعا قابىلدادىق.

جولداۋدا اتاپ وتىلگەندەي, ستان­دارت­تار قايتا قاراستىرىلىپ, كول­لەدجىمىزدىڭ «تىگىنشى», «اسپاز», «اۆتوسلەسار», «ەلەكتروگاز­دانەكەر­لەۋشى» ماماندىقتارى مودۋلدىك وقىتۋ جۇيەسىنە اۋىستىرىلدى.

بيىلعى وقۋ جىلىنا دا ءبىلىم بەرۋ مازمۇنىن جاڭارتۋ ماقساتىندا قوسىمشا ەكى ماماندىق اشۋدى جوسپارلاپ وتىرمىز. ول ماماندىق­تار رەس­پۋبليكا كولەمىندە قاجەتتىلىك تۋىنداتىپ وتىرعان «سلەسار-سانتەحنيك», «اۆتوكران جۇرگىزۋشىسى», «بۋلدوزەر جۇرگىزۋشىسى» سياقتى جۇمىسشى مامان­دىقتارى بولىپ تابىلادى.

2016-2019 جىلدارعا ارنالعان عىلىم مەن ءبىلىمدى دامىتۋدىڭ باع­دارلاماسىن جۇزەگە اسىرۋ جۇ­مىستارى اياسىندا 15 جوعارى وقۋ ورنى­مەن مەمو­راندۋمعا وتىرىپ, كوللەدج ءوز جۇمىسىن جۇيەلى جۇرگىزىپ كەلەدى. بۇ­گىندە جولداۋداعى مىن­دەتتەرگە جوعا­رى وقۋ ورىندارىمەن بىرلەسە قول جەتكىزىپ وتىرمىز. اتاپ ايتساق, كوللەدجگە قا­جەتتى مامان­­داردى مەموراندۋم شارتتارى نەگى­زىن­دە جۇمىسقا قابىلداۋ, عىلىمي جۇمىس­تارمەن بىرلەسە اينالىسۋ, كول­لەدج وقىتۋشىلارى مەن ءون­دىرىس شەبەر­لەرىنىڭ بىلىكتىلىگىن ارتتىرۋ مۇمكىندىكتەرىنە جول اشىلدى.

جولداۋدا ەلباسى ديپلوم بەرىپ قانا قويماي, جۇمىسپەن قامتاماسىز ەتۋ ماسەلەسىن اتاپ ءوتتى. كول­لەد­جىمىز دۋالدى وقىتۋ جۇيەسىن قالىپ­تاستىرۋ ارقىلى بۇل ماسەلەنى دە 95 پايىزعا ورىنداپ كەلەدى.

بىلتىر وقۋ جىلىنىڭ جەلتوقسان ايىندا 2 وقىتۋشىمىز فينليانديا مەن مالايزيا ەلدەرىنە بارىپ ءبىلىم الىپ كەلدى. گۇلجاۋحار نۇرعاليەۆا فينليانديا ەلىنەن مەنەدجەرلىك قۇزىرەتتىلىكتى ۇيرەنىپ قايتتى. شەتەلدىڭ قىسقى پەداگوگيكالىق تاجىريبەسى­مەن ءبولىسىپ قايتقان ارىپتەستەرىمىز كول­لەدجدىڭ باسقا وقىتۋشىلارىن وقى­تۋدى جوسپارلاپ وتىر. تالعار پولي­تەحنيكالىق كوللەدجى ۇجىمى قاشاندا ەلباسىمىزدىڭ جولداۋىن قولداۋ ماقساتىنداعى جۇمىستاردا قاجىر­لىقپەن ەڭبەك ەتە بەرمەك.

جۇماعالي كيبەكباەۆ,

تالعار پوليتەحنيكالىق كوللەدجىنىڭ ديرەكتورى

الماتى وبلىسى