«ەگەمەن قازاقستان» گازەتىندە ۇزاق جىلدار جەمىستى قىزمەت ەتىپ, باس باسىلىمنىڭ دامۋىنا ەسەلى ۇلەس قوسقان ارداگەر قىزمەتكەرلەردىڭ ەڭبەگى حالىقارالىق ۇيىمنىڭ, سونداي-اق اقپارات جانە كوممۋنيكاتسيالار مينيسترلىگىنىڭ ماراپاتتارىمەن اتاپ ءوتىلدى.
رەداكتسيادا وتكەن سالتاناتتى جيىندا گازەت باسشىسى دارحان قىدىرالى «ەگەمەننىڭ» جاۋاپتى حاتشىسى سامات مۇساعا تمد ەلدەرى پارلامەنتارالىق اسسامبلەياسىنىڭ ء«باسپاسوز جانە اقپارات سالاسىن دامىتۋعا قوسقان ەڭبەگى ءۇشىن» توسبەلگىسىن, باس رەداكتوردىڭ ورىنباسارى سەيفوللا شايىنعازىعا اقپارات جانە كوممۋنيكاتسيالار مينيسترلىگىنىڭ «اقپارات سالاسىنىڭ ۇزدىگى» توسبەلگىسىن, ال اعا كوررەكتور نۇرشاكۇل اشىمباەۆاعا مينيسترلىكتىڭ «قۇرمەت» گراموتاسىن تابىس ەتتى. زەينەت جاسىنا جەتكەن س.شايىنعازىعا, قۇرمەتتى دەمالىسقا شىققان ن.اشىمباەۆاعا ۇجىمنىڭ جانە كاسىپوداقتىڭ اتىنان تارتۋ-تارالعى جاسالىپ, ارىپتەستەرى اق تىلەكتەرىن جەتكىزدى.
سونداي-اق وسى كۇنى «ەگەمەن» ۇجىمى قىزىلوردا وبلىسىنداعى مەنشىكتى ءتىلشىسى قىزمەتىن اتقارىپ كەلگەن ەرجان بايتىلەسكە تىلەكتەستىگىن ءبىلدىرىپ, رەداكتسيانىڭ «قۇرمەت» گراموتاسىمەن ماراپاتتادى.