بۇل تۋرالى بۇگىن حالىققا ەسەپ بەرۋ جيىنىندا اتىراۋ قالاسىنىڭ اكىمى سەرىك شاپكەنوۆ ايتتى. كتس قۇرىلىسى جوباسى وبلىس ورتالىعىنىڭ سول جاق بولىگىنىڭ كارىز سۋىن تازارتۋ پروبلەماسىن شەشەدى. كتس الداعى جىلى پايدالانۋعا بەرىلەدى, -دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
جوبا قۇنى 10,1 ملرد.تەنگە. قالانىڭ سول جاق بولىگىندەگى كارىز سۋىن تازارتۋ قۇرىلعىلارى كەشەنى اتىراۋ قالاسىنىڭ وڭتۇستىك, وڭتۇستىك-شىعىس بولىگىندە ورنالاسادى. ءبىر ايتا كەتەرلىگى, ول قولدانىسقا ەنگىزىلگەننەن كەيىن تۇرعىنداردىڭ بىرنەشە جىلدار بويى شاعىمدارىن تۋعىزىپ كەلگەن «ساسىق ساي» جابىلادى. كەشەندە باس كارىز ستانتسياسى, تازارتىلماعان سۋدىڭ قۇراستىرمالى كوللەكتورى, كارىز سۋىن تازارتۋ قۇرىلعىسى الاڭى, بۋلانۋ الاڭى مەن بيولوگيالىق توعان الاڭى بولادى.
قۇرىلىس وتكەن جىلدىڭ اياعىندا باستالدى. قازىر ءبىراز بولىگى سالىندى: وندىرىستىك, تۇرمىستىق عيماراتتار بلوگى, كولىكجاي, اۋاوتكىزگىش ستانتسيا, جىلۋ قازاندىعى, حلورلاعىش, بالشىق سورعىش ستانتسيا, درەناج سورعىش ستانتسيا, تەمىربەتون قورشاۋ, وتكەل جول. تىك جوسپارلاۋ ءىشىنارا اياقتالدى. كۇش سورعى ستانتسياسى, درەناج سورعى ستانتسياسى, قاباتتى, اينالما درەناج, وتكەل, تەمىربەتون قورشاۋ, كىرمەجول ناقتى شىعارىلدى. كەشەن قۋاتى تاۋلىگىنە 70 000 كۋب مەتر سۋ. پايدالانىلعان سۋدى تازارتۋ كەزەڭ كەزەڭمەن مەحانيكالىق جانە بيولوگيالىق ادىسپەن جۇرگىزىلەدى.
-2016 جىلى ايماق باسشىسى اتىراۋ قالاسىنىڭ سول جاق بولىگىندە كارىز سۋىن تازارتۋ قوندىرعىلارى پروبلەماسىن شەشۋدى تاپسىردى-دەدى سەرىك شاپكەنوۆ.-قۇرىلىس 1978 جىلى سالىنعان, سودان بەرى كۇردەلى جوندەۋ بولماعان. اعىن سۋ بۋلانۋ الاڭىنا جەتپەس بۇرىن تازارتۋدىڭ تولىق ساتىسىنان وتپەيدى. بۇل تۇرعىنداردىڭ نارازىلىعىن تۋدىردى, ەگەر توتەنشە جاعداي بولسا, تۇگەل قالا لاس سۋدىڭ استىندا قالار ەدى. قازىر وسى پروبلەمانى شەشىپ جاتىرمىز, قالانىڭ وڭ جاق بولىگىندە كتس قۇرىلىسىنىڭ جسق جاسالىپ جاتىر.
ايتا كەتەيىك, 2016 جىلى 4 قاراشادا اتىراۋ وبلىسىنىڭ اكىمى نۇرلان نوعاەۆ سەلەكتورلىق جينالىستا كارىز سۋلارىنىڭ سۋ تارتۋ جۇيەسىنىڭ جاعدايىن جايلاپ ارەكەت ەتەتىن «بومباعا» تەڭەپ ەدى. ايماق باسشىسى قالا بيلىگىنە بۇل پروبلەمانى بارلىق رەسۋرستاردى ىسكە قوسىپ, شەشۋدى تاپسىردى.