«ادام ەكى نارسە ارقىلى قارتايمايدى. ءبىرىنشى – قايىرىمدى ءىسى, ەكىنشى – مەيىرىمگە تولى ءسوزى», دەيدى دانا بابالارىمىزدىڭ ءبىرى ءجۇسىپ بالاساعۇن. ادامداردىڭ اۋىزبىرشىلىكتە, ىنتىماقتا ءومىر ءسۇرۋى ءوز قولىندا. ەڭ يگى ءىس – مۇقتاج جاندارعا قامقورلىق جاساۋ.
جۋىردا س.جيەنباەۆ اتىنداعى وبلىستىق جاسوسپىرىمدەر كىتاپحاناسى «ىزگى ىستەر» اتتى اكتسياعا قولداۋ كورسەتىپ, ساۋاپتى ءىستى قولعا الدى. ياعني از قامتىلعان, كوپ بالالى وتباسىلارعا جانە مۇقتاج جاندارعا كومەك كورسەتۋ ماقساتىندا كىتاپحانا ديرەكتورى گۇلجاينار كالدينا جانە كىتاپحانا قىزمەتكەرلەرى التىنگۇل ەرمەكباەۆا, باقتىگۇل حاميدۋللينا, ءلاززات بولتەكوۆا, بيبىگۇل شامەدەنوۆا, گۇلدانا نۇعمانوۆا قىسقى جىلى كيىمدەردى جينادى. وسىلايشا بالالارعا ارنالعان اياق كيىم, پالتو جانە باسقا دا جىلى كيىمدەردى كىتاپحانا ديرەكتورىنىڭ ورىنباسارى ءۇرجان قۇداسوۆا مەن كاسىپوداق ءتورايىمى شىنار قوشانوۆا «شىعىس» ساۋدا ۇيىندە ورنالاسقان «يگى ءىس» دۇكەنىنە تاپسىردى. مۇقتاج جاندار ءۇشىن قات زاتتاردى كىتاپحانا قىزمەتكەرلەرى قاڭتار ايىندا «التاي» ساۋدا ۇيىندە ورنالاسقان «يگى ءىس» دۇكەنىنە دە تاپسىرعان بولاتىن.
«قايىرىمدى بولساڭ وزگەگە, شاپاعاتى تيەر وزىڭە» دەگەندەي, كىتاپحانا ۇجىمى وسى ىسپەتتى يگى شارالارعا ءجيى اتسالىسىپ تۇرادى. ء«بىر ادام جاققان وتقا مىڭ ادام جىلىنادى» دەگەندەي, بۇل دا ۇرپاققا ۇلاعاتتى ۇلى ىستەردە ۇساق-تۇيەك بولمايتىنىن بىلدىرسە كەرەك.
گۇلجان وتەگەنوۆا,
س.جيەنباەۆ اتىنداعى وبلىستىق جاسوسپىرىمدەر كىتاپحاناسىنىڭ كىتاپحاناشىسى
اقتوبە