ماڭعىستاۋ وبلىسى ىشكى ىستەر دەپارتامەنتىندە ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى ەلباسىنىڭ قازاقستان حالقىنا ارناعان كەزەكتى جولداۋىن قولداۋعا ارنالعان جيىن ءوتتى.
دەپارتامەنت باستىعىنىڭ ورىنباسارى پوليتسيا پولكوۆنيگى بوكەن بەگەر ۇلى جۇماعالي جەكە قۇرام الدىندا ءتارتىپ ساقشىلارىنا ەلباسى جولداۋىنداعى ۇلكەن مىندەتتەردى شەشۋ جولىندا ۇلكەن دە, جاۋاپتى جۇمىستار كۇتىپ تۇرعاندىعىن اتاپ كورسەتتى. بيىلعى جولداۋ ەلىمىزدىڭ ءتورتىنشى وندىرىستىك رەۆوليۋتسيا جاعدايىنداعى دامۋىن باعىتتالدى. ەلباسى حالقىمىز ىسكە اسىرۋعا ءتيىستى 10 مىندەتتى العا قويدى. اتالعان مىندەتتەردى ىسكە اسىرۋ الەمدەگى وزىق 30 ەلدىڭ قاتارىنا ەنۋىمىزگە ناقتى قادام بولىپ تابىلادى.
بوكەن جۇماعالي جولداۋدىڭ بارلىق باسىمدىقتارىن ايتا كەلىپ, ىشكى ىستەر ورگاندارىنا قاتىستى مىندەتتەرىنە توقتالدى:
- كولىك-لوگيستيكالىق ينفراقۇرىلىمىنىڭ تيىمدىلىگىن ارتتىرۋ باسىمدىعىندا تۇراقتى نەگىزدە جولدارعا تەكسەرۋ جۇرگىزۋ قاجەت, جەرگىلىكتى اتقارۋشى ورگاندارعا كولىك قاتىناسىن جاقسارتۋ بويىنشا ۇسىنىستار ەنگىزۋ جانە كولىك ينفراقۇرىلىمى مەن جول قۇرىلىسى اياسىندا اتقارىلاتىن جۇمىستارعا ساپالى باقىلاۋدى قامتاماسىز ەتۋ.
قىزمەتتە زاماناۋي تەحنولوگيانى ەنگىزۋ بويىنشا جولداۋدا ايتىلعانداي, سالىنىپ جاتقان جانە قازىردىڭ وزىندە ينفراقۇرىلىم وبەكتىلەرى ينتتەلەكتۋالدى باسقارۋ جۇيەلەرىمەن جاراقتاندىرىلۋى قاجەت. بۇل رەتتە ينتتەلەكتۋالدى باسقارۋ جۇيەلەرىنىڭ قۇرامداس بولىگى رەتىندە «قاۋىپسىز اۋلا» قاعيداتى بويىنشا قىزمەت جاسايتىن بەينەباقىلاۋ كامەرالارى دامىتىلۋى ءتيىس. بۇل تۇرعىنداردىڭ قاۋىپسىزدىگىن ايتارلىقتاي ارتتىرادى. قوعامدىق ءتارتىپتى ساقتاۋ جانە قاۋىپسىزدىكتى قامتاماسىز ەتۋ سالاسىندا كوشەلەردە جانە ادام كوپ جينالاتىن قوعامدىق ورىنداردا بەينەباقىلاۋ جۇرگىزەتىن, ازاماتتاردى انىقتايتىن جانە جول قوزعالىسىن قاداعالايتىن ينتەللەكتۋالدى جۇيەلەردى بەلسەندى تۇردە ەنگىزۋ كەرەك.
باسشى سونىمەن قاتار, «ادامي كاپيتال – جاڭعىرتۋدىڭ نەگىزىندە» اتتى باسىمدىعىنا ەرەكشە توقتالدى. ونىڭ ايتۋى بويىنشا, ءبىلىم جۇيەسىندەگى نەگىزگى مىندەت ينتەللەكتۋالدىق قابىلەتتەر, جاڭا بىلىمدەردى يگەرۋ جانە جاڭا جاعدايلارعا بەيىمدەلۋ بولۋى ءتيىس, بۇگىندە قىلمىس الەمى جەتىلدى, تەحنولوگيالار وزگەرۋدە, وسىعان بايلانىستى پوليتسەيلەردەن كوپ ءبىلىمدى, IT سالاسىنداعى جۇمىس داعدىلارى بويىنشا تالاپ ەتىلەتىندىگى تۋرالى ايتىپ ءوتتى.
ەلباسى ءوز جولداۋىندا سىبايلاس جەمقورلىقپەن كۇرەس جالعاسا بەرەتىنىن اتاپ كورسەتكەن بولاتىن, وسىعان وراي وبلىستىڭ ىشكى ىستەر ورگاندارىندا دا جەمقورلىقپەن كۇرەس بويىنشا جۇمىستار باسشىلىق باقىلاۋىندا تۇر. بۇگىندە پوليتسەيلەر جاڭا زاڭناما بويىنشا قىزمەت ەتۋدە, زاڭناما مەن وزگەرىستە ىشكى ىستەر ورگاندارى قىزمەتىنىڭ تيىمدىلىگىن ارتتىرۋعا باعىتتالعان.
جيىن سوڭىندا قاتىسۋشىلار ەلباسى جولداۋىن قولداپ, كورسەتىلگەن مىندەتتەر باعىتىندا جۇمىستانا بەرەتىندىكتەرىن ءبىلدىردى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى