امەريكا پرەزيدەنتى دونالد ترامپ العاش رەت كونگرەستە امەريكا حالقىنا ارناپ جولداۋ جاسادى. ول قازىرگى ۋاقىت «امەريكالىق ارماندى» جۇزەگە اسىرۋعا قولايلى ۋاقىت ەكەنىن دە اتاپ ءوتتى.
«بىلتىر ەلىمىزدە بولعان تابيعي جانە ادام قولىنان جاسالعان قايعىلى وقيعالارعا قاراماستان, امەريكالىقتار وزدەرىنىڭ قايسار ءارى باتىل ەكەنىن تاعى دا ءبىر رەت دالەلدەدى. ءبىز ودان ءارى قاۋىپسىز, كۇشتى جانە اسقاق امەريكانى بىرگە قۇرا بەرەمىز» دەپ مالىمدەدى اقش پرەزيدەنتى ترامپ. جولداۋدا ۇلتتى بىرىگۋگە شاقىرعان, سونىمەن بىرگە ەلەكتوراتقا ارنالعان جانە يمميگراتسيا ماسەلەلەرىن قامتيتىن ماسەلەلەرگە باسا نازار اۋداردى.
سونىمەن قاتار اقش پرەزيدەنتى ترامپ ەكونوميكا سالاسىنداعى ءوز جەتىستىكتەرىن دە اتاپ ءوتتى. «ەكونوميكانىڭ دامۋىندا شاعىن بيزنەستىڭ دەڭگەيى ايتارلىقتاي جوعارىلادى. بيرجادا دا رەكوردتىق كورسەتكىشتەر جەتكىلىكتى, جانە بىلتىر ونىڭ كاپيتالى 8 تريلليون دوللارعا جەتتى» دەدى ترامپ. اقش پرەزيدەنتى كونگرەستەن ينفراقۇرىلىم نىساندارىن مودەرنيزاتسيالاۋعا 1,5 تريلليون دوللار قاراستىرۋىن سۇرادى.
«امەريكا بۇل ۇكىمەتتىڭ جانە بيۋروكراتيانىڭ ەمەس, سەنىم مەن وتباسىلىق ءومىردىڭ ورتالىعى ەكەنىن بىلەمىز. ءبىزدىڭ ۇرانىمىز - «قۇدايعا سەنەمىز», دەپ مالىمدەدى ترامپ امەريكا حالقىنا ارناعان جولداۋىندا.
دونالد ترامپ ەل قاۋىپسىزدىگىن كۇشەيتۋ ماقساتىندا امەريكانىڭ ەكس-پرەزيدەنتى باراك وبامانىڭ گۋانتانامو تۇرمەسىن جابۋ تۋرالى شەشىمىن جويعانىن مالىمدەدى.