ەلباسى نۇرسۇلتان نازارباەۆتىڭ قازاقستان حالقىنا ارناعان ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىمەن ەرەكشە ىقىلاس تانىتا وتىرىپ تانىسىپ شىقتىق. جولداۋدا جازىلعان بارلىق ماسەلەلەر ورىندى كوتەرىلگەن. ونداعى ەكونوميكالىق, الەۋمەتتىك باعىتتار بويىنشا العا قويىلعان مىندەتتەر ەلىمىزدىڭ دامۋى ءۇشىن اسا ماڭىزدى ەكەنى ءسوزسىز.
جالپى, جولداۋدا كورسەتىلگەن 10 باعىت ءتورتىنشى ونەركاسىپتىك رەۆوليۋتسيا جاعدايىندا تۋىنداپ وتىرعان جاڭا قاعيدالارعا بەيىمدەلۋىمىزگە جول اشادى. وسى ورايدا جولداۋداعى «ادامي كاپيتال – جاڭعىرۋ نەگىزى» تاقىرىبىمەن بەرىلگەن جەتىنشى باعىت بويىنشا ەل نازارىنا ۇسىنىلعان اۋقىمدى مىندەتتەردىڭ قوعام ومىرىندەگى ورنى ەرەكشە دەپ ويلايمىز. ويتكەنى وندا ۋاقىت تالابىنا ساي مامان دايارلاۋعا, ۇرپاق تاربيەلەۋگە قاتىستى ماسەلەلەر ەگجەي-تەگجەيلى جازىلعان. ماسەلەن, ءبىلىم بەرۋدى جاڭا ساپاعا كوتەرۋ, ورتا جانە جوعارى ءبىلىم بەرۋ سالاسىن جاڭارتىلعان مازمۇنعا كوشىرۋ, سونداي-اق جاساندى ينتەللەكتپەن جانە «ۇلكەن دەرەكتەرمەن» جۇمىس ىستەۋ ءۇشىن اقپاراتتىق تەحنولوگيالار بويىنشا ءبىلىم العان تۇلەكتەر سانىن كوبەيتۋ تۇرعىسىنداعى مىندەتتەر دەر كەزىندە كوتەرىلىپ وتىر.
سونىمەن قاتار, لاتىن گرافيكاسىنا كوشۋ, قازاق ءتىلىنىڭ قولدانىس اياسىن كەڭەيتۋ, شەت تىلدەرىن مەڭگەرۋ ىسىنە قاتىستى ايتىلعان ىلكىمدى ويلارعا ءجۇردىم-باردىم قاراۋعا بولمايدى.
تاعى ءبىر ەرەكشە توقتالا كەتەر جايت, ەلباسىنىڭ مۇعالىمدەر قاۋىمىنىڭ مارتەبەسىن كوتەرۋگە ەرەكشە نازار اۋدارىپ, ولاردىڭ الەۋمەتتىك جاعدايىن ودان ءارى جاقسارتۋعا بايلانىستى بەرگەن تاپسىرمالارى بارشا جۇرتشىلىقتى ءبىر سەرپىلتىپ تاستادى.
قورىتا ايتقاندا, پرەزيدەنتتىڭ بيىلعى جولداۋى قوعامىمىزدا تىڭ سەرپىلىس تۋدىرىپ وتىر. بۇل قۇجات حالىقتىڭ ەلباسىنا, اتقارۋشى بيلىككە دەگەن سەنىمىن ارتتىرا ءتۇستى دەپ سەنىممەن ايتۋعا بولادى.
جانار بايدالىقىزى, ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى دايىندىق فاكۋلتەتىنىڭ وقىتۋشىسى تۇركىستان