قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ «ءتورتىنشى شاقىرىلعان پارلامەنت ءماجىلىسىن تاراتۋ جانە ءماجىلىس دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىققا قول قويدى.
وسى شەشىم تۋرالى ءوز پىكىرىمەن «نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى نۇرلان نىعماتۋلين ءبولىستى: «بۇگىنگى شەشىم وتە ۋاقتىلى جانە دە بۇكىل قازاقستان قوعامىنىڭ دامۋى ءۇشىن اسا ماڭىزدى بولىپ تابىلاتىنى ءسوزسىز. ال ساياسي پارتيالاردىڭ سايلاۋعا قاتىسۋى تۋرالى ايتاتىن بولساق, ءاربىر ساياسي پارتيا ءوزىن شىنىمەن دە سالماقتى ساياسي ۇيىم دەپ ساناسا, كەز كەلگەن ۋاقىتتا سايلاۋعا دايىن بولۋى ءتيىس دەپ ويلايمىز. ءبىزدىڭ «نۇر وتان» پارتياسى, ەلىمىزدىڭ جەتەكشى ساياسي كۇشى رەتىندە, وسى سايلاۋعا تەك قاتىسىپ قانا قويماي, وندا ۇلكەن جەڭىسكە جەتەدى دەپ سەنىم بىلدىرەمىز», دەدى ول.
«ەگەمەن-اقپارات».