ماۋسىم باسىندا الا-قۇلا ويناپ, جانكۇيەرلەرىنىڭ مازاسىن ماي ىشكەندەي قاشىرعان “ورداباسى” فۋتبول كلۋبى قاراشادا قارقىنىن كۇشەيتتى. جارتىلاي فينالدا «تارازدى» ءوز الاڭىڭدا 3:0 ەسەبىمەن ۇتقان وڭتۇستىك وعلاندارى قازاقستان كۋبوگىنىڭ بيىلعى يەسىن انىقتاۋ ءۇشىن قوستانايدىڭ “توبىلىمەن” كۇش سىناسقان بولاتىن.
الماتىداعى ورتالىق ستاديوندا وتكەن كەزدەسۋدىڭ 40-شى مينوتىندە مۇحتار مۇحتاروۆ سوققان گول ويىننىڭ تاعدىرىن شەشتى. بۇل كۋبوك – فۋتبول كلۋبىنىڭ ەڭ ۇلكەن جەڭىسى. جەڭىمپازدارعا وبلىس اكىمى اسقار مىرزاحمەتوۆ لايىقتى قۇرمەت كورسەتتى.
باقتيار تايجان.
وڭتۇستىك قازاقستان وبلىسى.