سيريالىق دەراا پروۆينتسياسىندا ءبىر كۇندە 70 ادام قازا تاپقان. حەربەل-گازال جانە حيراك قالالارى ارالىعىندا ورىن العان قاقتىعىستا 27 بەيبىت تۇرعىن, 34 ۇكىمەتتىك اسكەري جاساق جاۋىنگەرلەرى مەن 12 بوسقىن كوز جۇمعان.
قانتوگىستىڭ قايتا جالعاسۋىنا وراي يوردانيا كورولى ابدوللا ءىى سيريا باسشىسى باشار اسادتان «ەلدىڭ بولاشاعى ءۇشىن» پرەزيدەنت لاۋازىمىنان باس تارتۋدى ۇسىندى. بۇۇ-نىڭ مالىمەتى بويىنشا قازا تاپقانداردىڭ جالپى سانى 3,5 مىڭنان اسقان.
قىتايدا كۇشتى جارىلىس بولدى
قىتايدىڭ سيان قالاسىنداعى وفيستەردىڭ بىرىندە ورىن العان جارىلىستان جەتى ادام, سونىڭ ىشىندە ءۇش جاسار قىز قازا تاپتى. تاعى 25 ادام ءار ءتۇرلى اۋىر جاراقاتتارمەن جەرگىلىكتى اۋرۋحانالارعا جەتكىزىلگەن.
جارىلىستىڭ كۇشتى بولعانى سونشالىق, عيمارات اينالاسىنداعى كولىكتەرگە ايتارلىقتاي زاقىم كەلىپ, ءتىپتى ەكى شاقىرىم جەردەگى اينەكتەر قيراعان. جارىلىس سەبەبى ازىرگە انىقتالماي وتىر. ساراپشىلار وقيعانى عيماراتتىڭ ءبىرىنشى قاباتىنداعى مەيرامحانادا گاز جارىلۋى مۇمكىندىگىمەن بايلانىستىرۋدا.
گازا سەكتورى تاعى اتقىلاندى
ءيزرايلدىڭ اسكەري اۋە كۇشتەرى جەكسەنبىدەن دۇيسەنبىگە قاراعان ءتۇنى گازا سەكتورىنا اۋەدەن سوققى جاسادى. سونىڭ سالدارىنان حاماس قوزعالىسىنىڭ كۇزەت بەكەتى ءب ۇلىنىپ, پالەستينالىق قاۋىپسىزدىك كۇشتەرىنىڭ ءبىر قىزمەتكەرى قازا تاپتى.
بۇدان باسقا ءتورت ساقشى وپات بولىپ, تاعى ەكى بەيبىت تۇرعىن ءىز-ءتۇزسىز جوعالىپ كەتكەن. يزرايل اسكەريلەرى مۇنداي ارەكەتتەرىن گازا سەكتورىنان جىبەرىلگەن زىمىراندارعا جاۋاپ ەكەندىگىن مالىمدەپتى. بۇعان دەيىن وسىنداي قاقتىعىستان ءبىر يزرايلدىك جانە 12 پالەستينالىق قازا تاپقان-دى.
قارسىلىق بىلدىرۋشىلەر تاراتىلۋدا
كەشەدەن باستاپ اقش پوليتسياسى «ۋولل-ءستريتتى باسىپ ال» جانە «وكلەندتى باسىپ ال» قوزعالىسى قاتىسۋشىلارىنىڭ لاگەرىن بۇزا باستادى. بۇعان دەيىن جەرگىلىكتى بيلىك قارسىلىق بىلدىرۋشىلەرگە لاگەر اۋماعىن بوساتۋدى تالاپ ەتىپ, ەسكەرتۋ جاساعان ەدى.
قارسىلىق تانىتۋشىلاردىڭ ءبىرازى ەسكەرتۋگە قۇلاق اسقانمەن, كەيبىرى بيلىكتىڭ تالابىن ورىنداۋدان باس تارتقان. سونىڭ سالدارىنان پوليتسيا پورتلەند پەن وكلەندتە 80 بەلسەندىنى تۇتقىنعا الدى. اسىرەسە, وكلەند قالاسىندا پوليتسيا مەن بەلسەندىلەر اراسىندا ەرەكشە قاقتىعىس ورىن العانى بەلگىلى بولىپ وتىر.
ءۇش فرانتسۋز بوستاندىققا شىقتى
وسىدان جارتى جىل بۇرىن يەمەندە كەپىلدىككە الىنعان ءۇش فرانتسۋز ومان سۇلتاناتىنىڭ كومەگىمەن بوستاندىققا شىعارىلدى. فرانتسيا ازاماتتارى «ءال-كايدانىڭ» يەمەندىك بولىگىنىڭ سودىرلارى تاراپىنان تۇتقىنعا الىنعان بولاتىن.
ال ولاردى بوساتۋ ءۇشىن 12 ميلليون دوللار سۇرالىپتى. الايدا فرانتسيا بيلىگى اقشا تولەگەن جوقپىز دەپ وتىر. قۇتقارۋ وپەراتسياسى تۋرالى دا ناقتى دەرەك جوق. سوڭعى 15 جىل ىشىندە يەمەندە كەپىلدىككە 200-گە تارتا شەتەلدىك ازامات الىنعان ەكەن. سولاردىڭ بارلىعى دا ارتىنان بوساتىلعان.
قارسىلىقتارعا قاتىستى زاڭدى قاتاڭداتتى
بەلارۋس پرەزيدەنتى الەكساندر لۋكاشەنكو قارسىلىق اكتسياسىن وتكىزۋدىڭ ەرەجەلەرىن قاتاڭداتاتىن زاڭعا قول قويدى. وزگەرىسكە سايكەس ەندى ساياسي استارى بار كەز كەلگەن قوعامدىق ورىنداعى جيىن الدىمەن بيلىكپەن كەلىسىلۋى ءتيىس. بۇل ينتەرنەت ارقىلى ۇيىمداستىرىلاتىن فلەش-موبقا دا قاتىستى.
ۇيىمداستىرۋشىلارعا بيلىكپەن كەلىسىپ الماي, اكتسيانىڭ ۋاقىتى مەن وتەتىن ورنىن جاريالاۋعا, سونىڭ ىشىندە ينتەرنەت ارقىلى تاراتۋعا تىيىم سالىنىپ وتىر. سونىمەن قاتار, لۋكاشەنكو قوعامدىق ۇيىمدارعا قاتىستى زاڭعا دا وزگەرىستەردى قول قويىپ بەكىتتى. ول بويىنشا شەت ەلدەردەن قارجى العان قوعامدىق ۇيىمدار قىلمىستىق جاۋاپكەرشىلىككە تارتىلاتىن بولادى.
يتاليادا جاڭا پرەمەر تاعايىندالدى
يتاليا پرەزيدەنتى دجوردجو ناپوليتانو ەۋرووداقتىڭ بۇرىنعى كوميسسارى ماريو ءمونتيدى ەلدىڭ پرەمەر-ءمينيسترى لاۋازىمىنا تاعايىندادى. پرەزيدەنت سارايىندا جاڭا ۇكىمەت قۇرامىن جاساقتاۋ ءۇشىن مونتيگە ماندات بەرىلدى.
مۇنداي شەشىم بارلىق پارلامەنتتىك پارتيالارمەن وتكىزىلگەن كونسۋلتاتسيالاردان كەيىن قابىلداندى. وتستاۆكاعا كەتكەن پرەمەر-مينيستر سيلۆيو بەرلۋسكوني باسقاراتىن وڭشىلتسەنتريستىك پارتيا ماريو مونتي جاساقتايتىن ۇكىمەتتى قولدايتىندىقتارىن ءبىلدىردى. جاڭا ۇكىمەت يتاليانى ەكونوميكالىق داعدارىستان الىپ شىعۋى ءتيىس. ال بەرلۋسكونيدىڭ ءوزى ءالى ساياساتتان كەتپەيتىندىگىن مالىمدەپ ۇلگەردى.
عارىش ستانساسى جەرگە قۇلايدى
روسكوسموس باسشىسى ۆلاديمير پوپوۆكين «فوبوس-گرۋنت» جەرگە 2012 جىلى قاڭتاردىڭ باسىندا قۇلايدى دەگەن جورامال جاسادى. عارىش ستانساسى مارس باعىتىنا جول تارتۋى ءتيىس ەدى. ەگەر ينجەنەرلەر اپپاراتتىڭ باعدارلاماسىن وزگەرتە السا, ستانسا قىزىل پلانەتاعا بەت الاتىن بولادى.
اتالعان «فوبوس-گرۋنت» ستانساسى «زەنيت» زىمىران ۇشىرعىشىمەن عارىش كەڭىستىگىنە شىعارىلعانىمەن, ونىڭ قوزعالتقىشتارى ىسكە قوسىلماي قالعان-دى. «فوبوس-گرۋنت» مارس پلانەتاسىنان توپىراق الىپ, جەرگە جەتكىزۋى ءتيىس بولاتىن. الايدا ستانسانىڭ نە سەبەپتى ىستەن شىققانى ازىرگە بەلگىسىز كۇيىندە قالىپ وتىر. بەلگىلىسى – «فوبوس-گرۋنتتى» قۇتقارۋدىڭ ەندى مۇمكىن ەمەستىگى.
قىسقا قايىرىپ ايتقاندا:
*گرۋزيا پرەزيدەنتى ميحايل سااكاشۆيلي لوندوندا وتكەن حالىقارالىق دەموكراتيالىق وداق كونفەرەنتسياسىنداعى سويلەگەن سوزىندە ەۋروپا ەلدەرى باسشىلارىن رەسەيمەن قارىم-قاتىناستا اباي بولۋعا شاقىردى.
*تەھران تۇبىندە ورىن العان جارىلىستان اسكەري زىمىراندار ءوندىرىسى مەن باعدارلاماسىن ازىرلەۋ توبىنىڭ باسشىسى قازا تاپقانى بەلگىلى بولىپ وتىر. يران بيلىگى رەۆوليۋتسيالىق گۆارديا كومانديرى باعدارلاما باسشىلارىنىڭ ءبىرى بولعانىن راستادى.
*«تاليبان» قوزعالىسى لويا دجيرگا اقساقالدارىنىڭ بۇكىلاۋعاندىق كەزدەسۋى ورنى مەن ۋاقىتى, ءتىپتى قاۋىپسىزدىكتى قامتاماسىز ەتۋ تىزبەسى سىزىلعان جوسپاردى قولعا تۇسىرگەندەرىن جاريالادى. لويا دجيرگا 16 قاراشادا كابۋل قالاسىندا وتكىزىلەتىن بولسا, وندا اۋعانستان مەن اقش قاتىناستارى تالقىلىنادى دەپ كۇتىلۋدە.
*مالايزيا رەسەيلىك 18 سۋ-30مكم اسكەري جويعىش ۇشاقتارىنىڭ ارقايسىسىن 50 ميلليون دوللارعا ساتىپ الاتىن بولدى. ساتىپ الۋشى تاراپ بۇل ۇشاقتاردى دىبىستان جىلدام «براموس» زىمىرانىمەن جابدىقتاۋدى كوزدەپ وتىر.
ماسكەۋدىڭ بۇرىنعى مەرى يۋري لۋجكوۆ ءىىم تەرگەۋ دەپارتامەنتىنىڭ شاقىرتۋى بويىنشا ەلىنە قايتا ورالدى. ول ماسكەۋ بانكىنەن 12,5 ميلليارد ءرۋبلدىڭ قولدى بولۋى ءىسى بويىنشا كۋاگەر رەتىندە جاۋاپ بەرەدى ەكەن.
ينتەرنەت ماتەريالدارى نەگىزىندە ازىرلەندى.