«رۋحاني جاڭعىرۋ» باعدارلاماسى قولعا الىنعالى باتىس قازاقستان وبلىسىندا بىرنەشە مۋزەي اشىلدى. سونىڭ ءبىرى – شىڭعىرلاۋ اۋداندىق تاريحي-ولكەتانۋ مۇراجايى.
وتكەن جىلدىڭ سوڭعى كۇندەرىندە تۇساۋى كەسىلگەن ولكەتانۋ مۋزەيىنىڭ قورىندا قازىردىڭ وزىندە 3 مىڭعا جۋىق جادىگەر بار. تاريحتىڭ تالاي-تالاي ايتۋلى وقيعاسى وتكەن شەجىرەلى توپىراقتاعى بۇل عيماراتتا شىڭعىرلاۋدىڭ وتكەنى مەن بۇگىنى كورىنىس تاپقان.
مۋزەي 5 زالدان تۇرادى. كەلۋشىلەر ارنايى ەكراننان شىڭعىرلاۋدىڭ اسەم تابيعاتى مەن كوز تارتار ورىندارىنان تۇسىرىلگەن بەينەباياندى دا تاماشالاي الادى.
ءدال وسى كۇنى وڭىردەگى كونە زيراتتاردا ساقتالعان تاريحي ەسكەرتكىشتەر – اراب جازۋلى كونە قۇلپىتاستاردىڭ قۇپياسى شەرتىلگەن ارنايى جيناقتىڭ دا تۇساۋى كەسىلدى.
شىڭعىرلاۋ اۋدانى ءۇشىن ەستە قالارلىق وسى وقيعاعا وراي وزگە وڭىرلەردەن تۋعان جەرگە ارنايى جينالعان ءبىر توپ ارداگەر مۋزەي عيماراتى الدىنا قاراعاي كوشەتتەرىن وتىرعىزدى. بۇل كوشەتتەردى ولار ءوز قارجىسىنا ساتىپ الىپ, تۋعان جەرگە تارتۋ رەتىندە الا كەلگەن ەكەن.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان وبلىسى