وقو-دا بىلتىر يدب اياسىندا 13 جوبا ىسكە قوسىلدى

اتاپ «راحات شىمكەنت» جشس-گى ۆافەلدى تۇتىكشەلەر ءوندىرىسىن ۇيىمداستىرۋ  جوباسىن ىسكە قوستى. جوبا قۇنى 850 ملن. تەڭگە بولاتىن كاسىپورىن جىلىنا 1700 توننا ءونىم وندىرەدى. زاماناۋي وڭتۇستىككورەيالىق تەحنولوگيالار قولدانىلاتىن زاۋىتتا 28 جاڭا جۇمىس ورنى قۇرىلدى. ال, وتىرار اۋدانىندا «ازيا اگرو» جشس-ءنىڭ جۇگەرى وڭدەيتىن زاۋىتى. جىلىنا 5 مىڭ توننا جۇگەرىنى وڭدەۋگە قاۋقارلى جوبانىڭ قۇنى 619 ملن. تەڭگە. كاسىپورىن قۇس فەرمالارىن قۇراما جەممەن قامتاماسىز ەتۋ ماقساتىندا ءوزى جۇگەرىنى ءوسىرىپ, قايتا وڭدەيدى. مۇندا 16 ادام جۇمىسپەن قامتىلعان.

سوزاق اۋدانىنىڭ يندۋستريالدى ايماعىندا ىسكە قوسىلعان جوبانىڭ ءبىرى «سىرلى سوزاق» جشس-ءنىڭ پوليمەرلىك قالدىقتاردى قايتا وڭدەيتىن جانە تومەنگى قىسىمدى قۇبىرلار شىعاراتىن زاۋىتى.  قۇنى 222,9 ملن. تەڭگە بولاتىن جوبانىڭ جىلدىق قۋاتتىلىعى 1 مىڭ توننا. ونىمدەرىن ۋران ءوندىرۋشى كاسىپورىندارىنا جەتكىزەتىن زاۋىتتا 31 ادام ەڭبەك ەتەدى. 

بۇدان بولەك, شىمكەنت قالاسىندا 4 مىڭ كومپلەكت جيھاز شىراۋعا قاۋقارلى جك «راحمانكۋلوۆ ا.پ.» «بەللا جيھازىن» شىعاراتىن فابريكاسى. قۇنى 506 ملن تەڭگە بولاتىن جوبانىڭ 300 ملن. تەڭگەسىن كاسىپكەر «بيزنەستىڭ جول كارتاسى-2020» باعدارلاماسى اياسىندا العان. «بەللا جيھازى» برەندىمەن شىعارلاتىن وندىرىستە زاماناۋي تەحنولوگيالار قولدانىلادى. مۇندا 50 ادام تۇراقتى جۇمىسپەن قامتىلىپ وتىر. ال قازىعۇرت اۋدانىندا «وتىرابات-قۇرىلىس» جشس-ءنىڭ گاز-بەتون بلوگىن شىعاراتىن زاۋىت ءوز جۇمىسىن باستادى. اۋدانداعى يندۋستريالدى ايماقتا جۇزەگە اسىپ وتىرعان جوبا جىلىنا 12 مىڭ شارشى مەتر گاز-بەتون بلوگىن شىعاراتىن بولادى. قۇنى 120 ملن. تەڭگە بولاتىن كاسىپورىندا 12 ازامات جۇمىس ورنى اشىلعان. سونىمەن قاتار, «كورپوراتسيا سيتي ستروي» جشس-ءنىڭ جىلىنا 750 مىڭ توننا اسفالت شىعارۋعا قاۋقارلى زاۋىتى اشىلدى. جوبانىڭ قۇنى 280 ملن. تەڭگەنى قۇرايدى. ورداباسى اۋدانىندا «بورتە ميلكا» كومپانياسىنىڭ ءسۇت ونىمدەرىن وڭدەۋ زاۋىتى ىسكە قوسىلدى. قۇنى 900 ملن. تەڭگەنى قۇرايتىن جوبانىڭ جىلدىق  قۋاتتىلىعى 4320 توننا.

وتكەن جىلى ىسكە قوسىلعان جوبالاردىڭ ءبىرى «تاسساي» يندۋستريالدى ايماعىندا ورنالاسقان «بۋمپروم» جشس-ءنىڭ كارتوننان قاعاز جاساۋ ءۇشىن رۋبەرويد, گيپسوكارتون جانە تسەمەنت قاپ ءوندىرىسى. جوبانىڭ جالپى قۇنى 100 ملن. تەڭگەنى قۇرايدى. كاسىپورىن جىلىنا 4 مىڭ توننا ءونىم شىعارۋعا قاۋقارلى. 2017 جىلى  جۇمىسىن باستاعان  «دەزفۋمەكس» جشس-ءنىڭ بەتون ءوندىرىس زاۋىتىنىڭ جالپى قۇنى 150 ملن. تەڭگە. سونىمەن بىرگە, «حيمفارم» اق قاتتى دارىلىك ءوندىرىس فورمالار ءوندىرىسىن ىسكە قوستى. جوبانىڭ جالپى قۇنى 4 266 ملن تەڭگە بولسا, زاۋىت جىلىنا 200 ميلليون تابلەتكا شىعارۋعا قاۋقارلى. سارىاعاش اۋدانىندا اشىلعان «بازا-Service» جشس-ءنىڭ كونسەرۆىلەۋ تسەحى بار كوكونىس جانە جەمىس ساقتاۋ قۇرىلىسى. جوبانىڭ جالپى قۇنى 500 ملن. تەڭگەنى قۇرايدى. جوبالىق قۋاتتىلىعى جىلىنا 40 مىڭ بانكى. ال, شىمكەنت قالاسىندا «كومپانيا ر.ە.ت» جشس-گى  كەراميكالىق قاپتايتىن قىش شىعاراتىن زاۋىتىنىڭ جۇمىسىن باستادى. جىلىنا 20 ميلليون كىرپىش شىعاراتىن زاۋىتتىڭ جوبالىق قۇنى 103 ملن. تەڭگە.

 ەرەكشە جوبانىڭ ءبىرى وتىرار اۋدانىندا جۇزەگە اسىرىلدى. «اقمەرگەن» جشس-ءى جاڭاشىل جوبانى جۇزەگە اسىرۋ ءۇشىن جەرگىلىكتى جەردە كوپ وسەتىن تابيعي قامىستى پايدالاندى. ەلىمىزدە تەڭدەسى جوق جوبانىڭ جالپى قۇنى 622,3 ملن تەڭگە. جىلىنا 150 مىڭ شارشى مەتر ءونىم وندىرۋگە قاۋقارى بار تسەحتا  جەرگىلىكتى 30-عا جۋىق ادامدى تۇراقتى جۇمىسپەن قامتىلىپ وتىر.

جالپى وبلىستا قازاقستاننىڭ يندۋستريالىق-يننوۆاتسيالىق دامۋ باعدارلاماسى شەڭبەرىندە 2015-2019 جىلدارى كاسىپكەرلىكتى قولداۋ كارتاسى بويىنشا قۇنى  1,2 ترلن. تەڭگەگە 17,5 مىڭنان استام جۇمىس ورنىن قۇرايتىن 135 جوبانى ىسكە اسىرۋ جوسپارلانعان.