قازاقتىڭ مەملەكەتتىك مۇحتار اۋەزوۆ اتىنداعى اكادەميالىق دراما تەاترىندا قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى ءسابيت ورازباەۆتىڭ 75 جاسقا تولۋىنا ارنالعان شىعارماشىلىق كەش ءوتتى.
تەاتر ونەرىنىڭ قاراشاڭىراعىندا جارتى عاسىردان استام ۋاقىت بويى قىزمەت ەتىپ, 100-گە تارتا رولدەردى سومداپ, كەسەك كەيىپكەرلەردى تىرىلتكەن ءسابيت اعامىز بۇگىندە ۇلكەن ۇجىمنىڭ اقساقالى مەن اقىلشىسىنا اينالعان. باسەكەلى شىعارماشىلىق ورتادا شىنايى قۇرمەتكە يە بولىپ, كورەرمەننىڭ رياسىز سۇيىسپەنشىلىگىنە ءبولەنۋ كىمگە بولسا دا وڭاي ەمەس. س.ورازباەۆ بۇل بەلەسكە ادامي قاسيەتتەرىمەن, ەڭبەكقورلىعىمەن, قۇداي بەرگەن دارىن قۋاتىمەن كوتەرىلىپ وتىر. وسىنىڭ ءبارى شىعارماشىلىق كەشتىڭ وزەگىنە, تاعىلىمدىق تۇسىنا اينالعان.
ءيا, ساحنادان سان بەينەنى سومداعان ءسابيت قوڭىرباي ۇلى ەرەن ەڭبەگى ءۇشىن «وتان», «پاراسات», «ەڭبەك قىزىل تۋ» وردەندەرىمەن ماراپاتتالعان بولسا, قاراشاڭىراقتىڭ نەگiزiن سالعان الدىڭعى بۋىننىڭ ءداستۇر-ونەگەسiن لايىقتى جالعاستىرعان كورنەكتi اكتەردiڭ تاۋەلسiز قازاقستاننىڭ ساحنا ونەرiن دامىتۋداعى ەڭبەگi دە ۇلكەن. ا.ءسۇلەيمەنوۆتiڭ «ءتورت تاقتا – جايناماز» دراما ديالوگىنداعى – ءابدiناسiم شال, د.يسابەكوۆتiڭ «ەسكi ۇيدەگi ەكi كەزدەسۋiندەگi» – ايتورە, ب.مۇقايدىڭ «ءومiرزاياسىنداعى» – ءالي, قىرعىز دراماتۋرگi م. عاپاروۆتىڭ «تۇزدى شولiندەگi» – پرەزيدەنت, ك.اشيردiڭ «قابىل – ادام اتا پەرزەنتiندەگi» – Iبiلiس, م.بايسەركەنوۆتiڭ «ابىلايحاننىڭ اقىرعى كۇندەرiندەگi» – بۇقار جىراۋ, سونداي-اق تەاتردىڭ قازiرگi رەپەرتۋارىنداعى ف.بۋلياكوۆتىڭ «وتىز ۇلىڭ بولعانشاسىنداعى» – ابدۋللا, قىرعىز دراماتۋرگi ب.جاكيەۆتiڭ «جۇرەيiك جۇرەك اۋىرتپاي» دراماسىنداعى قاريا سىندى كەيiپكەرلەرiنىڭ جۇرەگiندە ءوز زامانىنىڭ دەرتi بار قوعامدىق-الەۋمەتتiك تيپ دەڭگەيiنە كوتەرiلگەن بەينەلەر ەكەنىن ەسكە ءتۇسىرۋ پارىز.
ارىپتەستەرى ايتپاقشى, بىردە ساحنا ساڭلاعى, بىردە قولىندا فوتواپپاراتى, بىردە بەينەكامەراسى, بىردە قالامى تۇسپەي كەلە جاتقان دارا اكتەردىڭ كورەرمەن كوزىنەن تاسا تاماشا قىرلارى جەتكىلىكتى ەكەن. ت.الiمقۇلوۆشا قيسىنداعاندا, «دومبىرانى ساۋساقپەن ەمەس, كوڭiلمەن سويلەتەتiن» اكتەردىڭ قوڭىر داۋىسى ءاندى قۇلاعىمەن ەمەس, جۇرەگىمەن قابىلدايتىن ۇلتىمىزدىڭ كوكىرەگىندە ۇيالاپ قالعانى انىق. وسىنى جاقسى بىلەتىن, سابەڭنىڭ ىزىنەن ەرگەن تەاترداعى دومبىرا ۇستايتىن تالانتتى ىنىلەرى شىعارماشىلىق كەشتە ءسابيت ورازباەۆ بولىپ, سابەڭ وينايتىن ءاربىر كەيىپكەردەن كەيىن كەزەگىمەن سايدىڭ تاسىنداي ساحناعا شىعا كەلۋى, ۇلتتىق تەاتر ونەرىنىڭ ءورىسى توقىراماعانىن پاش ەتكەندەي.
كورەرمەندى بىردە تولقىتىپ, بىردە مۇڭايتىپ, بىردە قۋانتقان شىعارماشىلىق كەش رەجيسسەر قازبەك ءامىرجانوۆتىڭ اكتەر ءسابيت ورازباەۆتىڭ ءومىر جولىنا ارنالعان «ءومىر – داستان» دەرەكتى فيلم ءۇزىندىلەرىمەن ءورىلىپ وتىردى. بۇل تۋىندىدا سوناۋ وڭتۇستىك قازاقستان وبلىسىنىڭ شالعايىنداعى اۋىلدان شىعىپ, ونەردىڭ شاۋجايىنا جارماسقان بالاڭ جىگىتتىڭ ءوز بيىگىنە قالاي كوتەرىلگەنى رەتىمەن باياندالادى. بۇل فيلمدە دارا اكتەر عانا ەمەس, جاقسى اكە, سۇيىكتى جار, اقىلگوي اتا بولا بىلگەن ازامات ءومىرىنىڭ پاراقتارى بار.
الدىمەن شىعارماشىلىق كەشتە مادەنيەت مينيسترىنىڭ ورىنباسارى اسقار بورىباەۆ ەلباسىنىڭ ءسابيت ورازباەۆتىڭ 75 جىلدىعىنا جولداعان قۇتتىقتاۋىن جەتكىزدى. اكتەرگە وڭتۇستىك قازاقستان وبلىسىنىڭ قۇرمەتتى ازاماتى اتاعى بەرىلگەنىن تۋعان جەرىنەن كەلگەن ارنايى دەلەگاتسيا ءمالىم ەتتى.
ءوزىنىڭ مازمۇندى عۇمىرى سياقتى اسەرلى كەشتە ارىپتەسى كسرو جانە قازاقستاننىڭ حالىق ءارتىسى ءاسانالى ءاشىموۆ ءسوز الىپ, جاستىقتىڭ قىزىعىن بىرگە كەشكەن زامانداسى جايلى تاماشا ەستەلىك تارقاتسا, ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ديرەكتورى, بەلگىلى رەجيسسەر تالعات تەمەنوۆ اكتەردىڭ اعا رەتىندەگى, ادام رەتىندەگى بەينەسىن سوزبەن سومدادى.
كەشتە جۇرتتى تاعى ءبىر تولقىتىپ وتكەن ءسات ساحنا ساڭلاعىنىڭ وزىمەن ونەرگە وكشەلەس كەلگەن اكتەر, اكتريسالارمەن بىرگە جۇرت الدىنا شىعىپ, ۇستازى اسقار توقپانوۆقا ارناعان ارناۋى ەدى. ءالى كۇنگە دەيىن ۇيرەنۋمەن, ءالى كۇنگە دەيىن ىزدەنۋمەن, ەڭبەكتەنۋمەن كەلە جاتقان ونەر يەسىنىڭ ەل ازاماتى رەتىندە دە كەيىنگىلەرگە كورسەتەر ۇلگىسى كوپ. كەسەك تۇلعالى اكتەر «اكەم تەاتردىڭ» قارا ورمانداي تالانتتى ۇجىمى ورتاسىندا عيبراتتى اڭگىمەسىمەن, جاسىنا ساي جاراسىمدى باتاسىمەن كەشتى اياقتادى.
ايناش ەسالي,
الماتى.
سۋرەتتەردى تۇسىرگەن نۇرعيسا ەلەۋبەكوۆ.