كەلەسى جالپى وتىرىستىڭ كۇن ءتارتىبى ازىرلەندى

كەشە پارلامەنت ءماجىلىسىنىڭ توراعاسى ورال مۇحامەد­جا­نوۆتىڭ جەتەكشىلىگىمەن پالاتا بيۋروسىنىڭ وتىرىسى ءوتتى. حالىقارالىق ىستەر, قور­عا­نىس جانە قاۋىپسىزدىك كومي­تە­تىنىڭ ۇسى­نۋىمەن «قازاقستان رەسپۋب­ل­ي­كا­سىنىڭ ۇكىمەتى مەن قىرعىز رەس­پۋبليكاسىنىڭ ۇكى­مەتى اراسىن­دا­عى ازاماتتىق قور­عانىس (قورعاۋ), توتەنشە جاع­داي­لاردىڭ الدىن الۋ جانە ولاردى جويۋ سالا­سىن­داعى ىنتى­ماق­تاس­تىق تۋرالى كەلىسىمدى راتيفيكاتسيالاۋ تۋرالى» زاڭ جوباسى جال­پى وتىرىستىڭ كۇن تارتىبىنە ەنگىزىلەتىن بولدى. ەكو­نو­مي­كا­لىق رەفورما جانە وڭىرلىك دامۋ كوميتەتى «قازاقستان رەسپۋبلي­كا­سىنىڭ كەيبىر  زاڭ­نا­مالىق اكتىلەرىنە  مەملەكەتتىك سا­تىپ الۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋ­رالى» زاڭ جوباسىن ءبىرىنشى وقىلىمدا قاراۋدى ۇسىندى. سونداي-اق ۇكىمەتتەن ءماجى­لىس­كە كەلىپ تۇسكەن بىرقاتار زاڭ جوبالارى بويىنشا قورىتىندى ازىرلەۋ ماسەلەلەرى قارالاتىن بول­دى. سونىڭ ىشىندە حالىق­ارا­لىق كەلىسىمدەردى بەكىتۋدى قاراس­تى­راتىن جاڭا زاڭ جو­با­لارى, «قازاقستان رەسپۋب­لي­كاسىنىڭ كەي­­­بىر زاڭنامالىق اكتىلەرىنە تەح­ني­كا­لىق رەتتەۋ جانە مەترولوگيا ماسەلەلەرى بويىنشا ءوز­گەرىستەر مەن تولىقتىرۋلار  ەنگىزۋ تۋ­را­لى» زاڭ جوباسى بوي­ىن­شا قورى­تىن­دى ازىرلەۋ بار, دەپ حابار­لاي­دى ءماجىلىستىڭ باسپا­سوز قىزمەتى.