ورتالىق كوممۋنيكاتسيالار قىزمەتىندە ەلىمىزدەگى گرەپپلينگ قاۋىمداستىعىنىڭ پرەزيدەنتى قانات ءاليننىڭ قاتىسۋىمەن بريفينگ ءوتتى. شارا بارىسىندا 2017 جىلى جەتكەن جەتىستىكتەر مەن كەلەسى جىلعا جوسپارلار جايلى ءسوز قوزعالدى.
«سپورتتىق گرەپپلينگ تاريحىندا العاش رەت قۇرلىقتىق ازيا چەمپيوناتى قازاقستاندا ءوتتى. 2-3 قىركۇيەك كۇندەرى استانا قالاسىندا وتكەن ايتۋلى دوداعا قىرعىزستان, اراب امىرلىگى, وزبەكستان, پاكىستان, ءۇندى مەملەكەتتەرى قاتىستى. جارىسقا بەس ازيالىق ەلدەردەن كەلگەن 100-دەن اسا سپورتشى باعىن سىنادى. ناتيجەسىندە قازاقستان قۇراماسى جالپىكوماندالىق ەسەپتە 1-ورىنعا يە بولدى», دەدى گرەپپلينگ قاۋىمداستىعىنىڭ پرەزيدەنتى قانات الين.
سونىمەن قاتار ول تاۋەلسىزدىگى كۇنىنە وراي استانا قالاسىندا گرەپپلينگ جانە گرەپپلينگ گيدەن قازاقستان رەسپۋبليكاسى بىرىنشىلىگى مەن كۋبوگى وتكەنىن تىلگە تيەك ەتتى.
«ايتا كەتەيىك, وسى جارىسقا رەكوردتى قاتىسۋشى سانى تىركەلدى. ەلىمىزدىڭ تۇكپىر-تۇكپىرىنەن كەلگەن 1200 سپورتشى ۇزدىك پالۋان اتاعى ءۇشىن باقتالاستى. جالپىكوماندالىق ەسەپتە ءبىرىنشى ورىن استانا قۇراماسىنا بۇيىردى. ەكىنشى ورىنعا قاراعاندى وبلىسى تۇراقتاسا, ءۇشىنشى ورىندى پاۆلودار وبلىسى ەنشىلەدى. قازاقستان رەسپۋبليكاسى كۋبوگىندا ءبىرىنشى ورىندى تاعى ءبىر مارتە استانا قۇراماسى الدى. ەكىنشى ورىن – قاراعاندى وبلىسىندا. وڭتۇستىك قازاقستان وبلىسى ءۇشىنشى ورىنمەن ورالدى», دەدى ول
گرەپپلينگ قاۋىمداستىعىنىڭ پرەزيدەنتى قانات الين كەلەسى جىلى 27-28 قاڭتار كۇندەرى “اstana open” ءتۋرنيرى ۇيىمداستىرىلىتانىن جەتكىزدى.
«ال كوپتەن كۇتكەن دودا, قازاقستاندىق پارتەردە بولىپ كورمەگەن گرەپپلينگىدەن الەم چەمپيوناتى استانا قالاسىندا, قىركۇيەك ايىندا وتەتىن بولادى», دەدى ول.
راۋان قايدار,
«ەگەمەن قازاقستان»