ورتالىق كوممۋنيكاتسيالار قىزمەتىنىڭ اقپاراتتىق الاڭىندا ماجارستان ەلشىلىگى ۆەنگەرلىك-قازاقستاندىق ەكى جاقتى قارىم-قاتىناستاردىڭ 2017 جىلعى ناتيجەلەرى بويىنشا ءباسپاسوز ءماسليحاتىن وتكىزدى.
ء«وتىپ بارا جاتقان جىلدا ەكى ەل اراسىنداعى ىنتىماقتاستىق قارقىندى دامىدى. 2017 جىلعى باستى وقيعالاردىڭ ءبىرى البەتتە بەلسەندى قاتىسۋشىلاردىڭ ءبىرى ماجارستان بولعان «استانا ەكسپو-2017» حالىقارالىق مامانداندىرىلعان كورمەسى. ماجارستان ءوزىنىڭ ۇلتتىق پاۆيلونىندا جاسىل تەحنولوگيالار سالاسىنداعى جاڭا جەتىستىكتەرىن ۇسىندى. تاڭدالىنعان تاقىرىپتى اشۋعا ماجارستان سايكەستى ساناتتا ەكىنشى ورىنعا يە بولدى. كورمەنىڭ ءوتۋ بارىسىندا ۆەنگەرلىك پاۆيلونعا 300 مىڭعا جۋىق ادام كەلدى. 20 تامىزدا ەكسپو اياسىندا ماجارستاننىڭ ۇلتتىق كۇنى اتالىنىپ ءوتتى, جانە باسقا دا ءىس-شارالاردى مەرەكەلەۋ اياسىندا ماجارستان باي مادەني باعدارلامامەن قىپشاقتار كۇنىن اتاپ وتكىزدى», دەدى باراني قازاقستان رەسپۋبليكاسىنداعى ماجارستاننىڭ توتەنشە جانە وكىلەتتى ەلشىسى اندراش باراني.
سونىمەن قاتار ول استانا-بۋداپەشت تىكەلەي اۋە باعىتىنىڭ اشىلۋى شىندىعىندا تاريحي وقيعا ەكەنىن العا تارتىپ, ەكى ەل اراسىنداعى ساۋدا-ەكونوميكالىق قارىم-قاتىناستار ەكپىندى دامىپ جاتقانىنا ەرەكشە توقتالدى.
«2016 جىلعى ستاتيسيكا بويىنشا ماجارستان تاۋار اينالىمى – 16 پايىزعا ءوسىپ, 1888 ملن دوللاردى قۇراعان قازاقستاننىڭ جالعىز ساۋدا ارىپتەسى بولدى. الداعى ۋاقىتتا دا بۇل كورسەتكىش ارتا تۇسەرىنە سەنىمدىمىن», دەدى ول.
راۋان قايدار,
«ەگەمەن قازاقستان»