جاڭا جىلدىڭ قارساڭىندا قر تۇڭعىش پرەزيدەنتى – ەلباسىنىڭ قورى بالالارعا ارنالعان جىل سايىنعى قىسقى سپورت فەستيۆالىن ۇيىمداستىردى. قىسقى جارىسقا اقمولا, قاراعاندى, پاۆلودار, قوستاناي, سولتۇستىك قازاقستان وبلىستارىنىڭ جانە استانا قالاسىنىڭ كوپ بالالى وتباسىلاردىڭ بالالارى جانە بالالار ۇيلەرىنىڭ تاربيەلەنۋشىلەرى قاتىستى.
ءىس-شارانى وتكىزۋدىڭ نەگىزگى ماقساتى: دەنە تاربيەسى مەن سپورتتى ناسيحاتتاۋ, بۇقارالىق سپورتتىق ءىس-شارالاردى ۇيىمداستىرۋ ارقىلى بالالاردىڭ سالاۋاتتى ءومىر سالتى مادەنيەتىن قالىپتاستىرۋ.
جارىس «اقبوزات» دەمالىس ايماعىندا ءوتتى, بۇل كۇنى ول اياز اتانىڭ رەزيدەنتسياسىنا اينالدى, وندا بالالار شايبالى حوككەي, شاڭعى ەستافەتاسى, نىساناعا قار لاقتىرۋ, كارەل جارىسى جانە قارمەن ءمۇسىن سالۋ بويىنشا سايىسقا تۇسۋمەن قاتار, قاردا جۇرگىشپەن جانە شانامەن سىرعاناپ وينادى.
تانىمال حوككەيشى, «بارىس» حوككەي كلۋبىنىڭ ويىنشىسى نايدجەل دوۋس ءىس-شارانىڭ قادىرلى قوناعى بولدى. مۋزىكا, ءتاتتى تاماق, سونداي-اق سىيلىقتار سپورتتىق ءىس-شارانى ناعىز مەرەكەگە اينالدىردى.
قر تۇڭعىش پرەزيدەنتى - ەلباسى قورىنىڭ اتقارۋشى ديرەكتورىنىڭ ورىنباسارى - سۇلتان ايتجانوۆ ءوزىنىڭ قۇتتىقتاۋ سوزىندە: «وسىنداي ءىس-شارالار ارقىلى ءبىز بالالاردى ءبىر-بىرىمەن دوس بولۋعا, سپورتپەن شۇعىلدانۋعا دەگەن ىنتازارلىعىن ارتتىرعىمىز كەلەدى. سپورت بالالارعا كوماندالىق رۋحتى تاربيەلەۋگە, ولاردىڭ بىرلىگىن نىعايتۋعا, ماقساتتارىنا جەتۋلەرىنە, باسەكەگە قابىلەتتىگىن ارتتىرۋعا وڭ ىقپالىن تيگىزەدى», - دەدى.
بايقاۋ قورىتىندىسى بويىنشا جەڭىمپازدار انىقتالدى. «شايبالى حوككەي» بويىنشا 1-ءشى ورىندى استانا قالاسىنىڭ №30 ورتا مەكتەبىنىڭ «بارىس» كومانداسى جەڭىپ الدى, 2-ءشى ورىندى اقمولا وبلىسىنىڭ «ارىستان» كومانداسى يەلەندى, 3-ءشى ورىندى استانا قالاسىنىڭ № 37 ورتا مەكتەبىنىڭ «سارىارقا» كومانداسى جەڭىپ الدى.
«نىساناعا قار لاقتىرۋ» بويىنشا 1-ءشى ورىندى استانا قالاسىنىڭ №16 ورتا مەكتەبىنىڭ «ۆىمپەل» كومانداسى يەلەنسە, 2-ءشى ورىندا - سولتۇستىك قازاقستان وبلىسىنىڭ «ايىرتاۋ» كومانداسى, ال 3-ءشى ورىندى - قوستاناي وبلىسىنىڭ «قوستانايلىقتار» كومانداسى يەلەندى.
«كارەل جارىسى» بويىنشا 1-ءشى ورىندى اقمولا وبلىسىنىڭ «ارىستان» كومانداسى جەڭىپ الدى, 2-ءشى ورىندى - استانا قالاسىنىڭ №27 ورتا مەكتەبىنەن «ايۋ» كومانداسى, ال 3-ءشى ورىندى قاراعاندى قالاسىنىڭ «جاس قىران» كومانداسى يەلەندى.«شاڭعى ەستافەتاسى» بويىنشا 1-ءشى ورىندى قاراعاندى قالاسىنان «جاس قىران» كومانداسى جەڭىپ السا, 2-ءشى ورىندى پاۆلودار قالاسىنىڭ «سارىارقا» كومانداسى, ال 3-ءشى ورىندا - قوستاناي وبلىسىنىڭ «قوستانايلىقتار» كومانداسى يەلەندى.
«قارمەن ءمۇسىن سالۋ» بويىنشا 1-ءشى ورىن اقمولا وبلىسىنىڭ «ارىستان» كومانداسىنان داۆلەتين دميتريگە, 2-ءشى ورىن - قوستاناي وبلىسىنىڭ «قوستانايلىقتار» كومانداسىنان نەدوسەيكينا الەناعا, 3-ءشى ورىن - استانا قالاسىنىڭ №16 ورتا مەكتەبىنىڭ «ۆىمپەل» كومانداسىنان قارامىسوۆ دياسقا بەرىلدى.كوماندالىق ەسەپ بويىنشا 1-ءشى ورىندى اقمولا وبلىسىنان «ارىستان» كومانداسى, 2-ءشى ورىندى قاراعاندى قالاسىنان «جاس قىران» كومانداسى, ال 3-ءشى ورىندى استانا قالاسىنىڭ №16 ورتا مەكتەبىنەن «ۆىمپەل» كومانداسى يەلەندى.
قىسقى فەستيۆالگە 200 - گە جۋىق بالا قاتىستى. جارىسقا 10 جاستان 14 جاسقا دەيىنگى جاس سپورتشىلاردان قۇرالعان 5 وڭىرلىك جانە 4 ەلوردالىق كوماندا قاتىستى. ايماقتىق قاتىسۋشىلاردىڭ جالپى سانى 110 بولسا, استانا قالاسىنان 88 مەكتەپ وقۋشىسى قاتىستى. تۇڭعىش پرەزيدەنت قورى جىل سايىن بالالارعا ارناپ ءتۇرلى سپورتتىق ءىس-شارالاردى وتكىزەدى. ونىڭ ىشىندە قىسقى سپورت فەستيۆالى, ءبىرىنشى پاراليمپيالىق ستارتتار, «امان كەلەشەك» فەستيۆالىن اتاپ وتۋگە بولادى.