استانانىڭ كوممۋنالدىق بازارلارىندا قىزاناق پەن قياردىڭ باعاسى 550 تەڭگەدەن اسىرىلمايدى.
استانا اكىمدىگى جاڭاجىل مەرەكەسى قارساڭىندا باعانى رەتتەپ تۇرۋ ءۇشىن قىزاناق پەن قيار ساتىپ الدى, دەپ حابارلايدى ەلوردا اكىمدىگىنىڭ مەديا ورتالىعى. كوكونىستەر «شاپاعات» كوممۋنالدىق بازارىندا ساتىلادى, وندا كاسىپكەرلەر ساۋدا بارىسىندا 10%-دان ارتىق قوسپاۋدى مىندەتىنە الادى.
«وسىلايشا قىزاناقتىڭ كەلىسى 500 تەڭگەدەن اسپايتىن بولسا, قياردىڭ باعاسى 550 تەڭگە كولەمىنەن اسپايدى, بۇل اتالعان كوكونىستىڭ تاپشىلىعىن ازايتىپ ءارى قاراي باعاسىنىڭ ءوسىپ كەتپەۋىنىڭ الدىن الادى», - دەپ حابارلايدى قالالىق اكىمدىك.