قىزىلوردا وبلىسىندا جوبالىق مەنەدجمەنت جۇيەسىن ەڭگىزۋ اياسىندا وبلىس اكىمدىگى Hack Day بايقاۋىن ۇيىمداستىردى. ەكى كۇن ىشىندە بايقاۋعا قاتىسۋشىلار يننوۆاتسيالىق جوبالار بويىنشا يدەيالارىن تانىستىردى.
412 قاتىسۋشى 3 نوميناتسيا بويىنشا 137 جوبا يدەيالارىن ۇسىندى: «اقپاراتتىق تەحنولوگيالار» (لوگيكالىق ويىن قوسىمشالارى, سەرۆيستىك ءموبيلدى قوسىمشالار), «كونتەنت جانە مەديا», «كينو جانە ۆيدەو» (مۋلتيپليكاتسيالىق 2D, 3D جوبالار, جارناما روليكتەرى جانە ت.ب.). بايقاۋ شارتتارىنا سايكەس قاتىسۋشى كوماندالار مۇشەلەرى 3 مينۋت ىشىندە جوبا پروتوتيپتەرىن تانىستىرىپ, تاعى دا 3 مينۋت ىشىندە سۇراقتارعا جاۋاپ بەرۋى ءتيىس.
ۇيىمداستىرۋشىلاردىڭ ايتۋى بويىنشا, HackDay بايقاۋىنىڭ باستى مىندەتى – توپپەن جۇمىس ىستەپ, 48 ساعات ىشىندە جوبا يدەياسىنان پروتوتيپ جاساقتاپ الۋ. ءىس-شاراعا ينتەرنەت-جوبا يدەياسى بار, بىراق ونى جۇزەگە اسىرۋعا رەسۋرستارى جەتكىلىكسىز كەز كەلگەن ادام قاتىسا الادى. ءبىر عانا تالاپ – بارىنشا كرەاتيۆتى جاعدايدا ناقتى جوبالار بويىنشا جۇمىس ىستەۋگە دايىن بولۋ. ءىس-شارا ايماعىمىزدا باستاۋشى جانە تاجىريبەلى پروگرامميست, ديزاينەر, جوبالاۋشى, IT-ماركەتولوگ, زاڭگەر, ستسەناري جازۋشى, گريمەر جانە PR ماماندارى مەن وزگە دە IT سالاسىنداعى قىزىقتى جوبا يدەيالارى بار تۇلعالاردىڭ قوعامداستىعىن قۇرۋعا مۇمكىندىك بەرەدى. قوعامداستىق ستارتاپتاردى دامىتۋدىڭ بارلىق كەزەڭدەرىندە تۋىنداعان ماسەلەلەردى شەشۋگە كومەكتەسۋى ءتيىس: يدەيانى وڭدەۋ مەن پروتوتيپتەن جوباعا سالىنعان ينۆەستيستيتسيالاردى الۋعا دەيىن.
قىزىلوردا وبلىسىنىڭ اكىمى قىرىمبەك كوشەرباەۆ جەڭىمپازداردى قۇتتىقتادى.
ء«بىزدىڭ جاستار وتە تالانتتى, سوندىقتان ولاردى قولداۋ كەرەك. وزدەرىڭىز بىلەتىندەي, ءبىز سىرداريانىڭ سول جاعالاۋىندا جاڭا قالا سالۋدامىز. ول جەردە جاستاردىڭ ءىت-پاركى ورنالاساتىن بولادى. وسى سالانى جەتىك مەڭگەرگەن 20 جاسقا جۇمىس ورنى اشىلىپ, ولار جوعارى جالاقى, تۇرعىن ۇيمەن قامتاماسىز ەتىلمەك. تاتارستان رەسپۋبليكاسىنىڭ پرەزيدەنتى ر.ميننيحانوۆتىڭ وبلىسقا ساپارى كەزىندە تاتارستاننىڭ ءىت-ماماندارى ءبىزدىڭ جاستاردى وقىتۋ تۋرالى كەلىسىمگە كەلدىك. ويتكەنى رەسەيدىڭ ۇزدىك ءىت-ماماندارى تاتارستاندا ورنالاسقان. سونىمەن قاتار, ماسكەۋ مەملەكەتتىك ۋنيۆەرسيتەتى «كيبەرقاۋىپسىزدىك», «پروتسەستەردى ماتەماتيكالىق مودەلدەۋ» ماماندىقتارى بويىنشا جىل سايىن 20 قىزىلوردالىق ستۋدەنتكە ماگيستراتۋرادا وقۋ ءۇشىن گرانتتار بولەتىن بولدى. مۇنان بولەك, ءبىز «مايكروسوفت» كومپانياسىمەن قىزىلوردا قالاسىندا فيليالىن اشۋ تۋرالى كەلىستىك. وسىلايشا, قىزىلوردانى اقپاراتتىق تەحنولوگيالاردىڭ ەپيتسەنترىنە اينالدىرعىمىز كەلەدى», - دەدى ق.كوشەرباەۆ.
جەڭىمپازدار اشىق داۋىس بەرۋ ارقىلى انىقتالىپ, باعالى سىيلىقتارمەن ماراپاتتالدى.
«كونتەنت جانە مەديا» سەكتسياسىندا دۇرىس تاماقتانۋ تاقىرىبىنداعى سايت (3 ورىن), قالالىق قوعامدىق ورىندارىنىڭ 3D-ۇلگىلەرى (2 ورىن) جانە مالىمەتتەردى 3D-فورماتىندا ۇسىنۋ جوبالارى ۇزدىك دەپ تانىلدى.
«اقپاراتتىق تەحنولوگيالار» نوميناتسياسى بويىنشا تۇرعىن ۇيلەردە قۇبىردان گازدىڭ اعىپ كەتۋىن انىقتايتىن قۇرال (3 ورىن), «اقىلدى اۋرۋحانا» (2 ورىن) جانە «اقىلدى ايالداما» (1 ورىن) قوسىمشالارى جۇلدەلى ورىن الدى.
«كينو جانە ۆيدەو» نوميناتسياسى بويىنشا ءۇشىنشى ورىندى «قىزىلوردادا – مەگاپوليستەن دە ارتىق» بەينەروليگى, ەكىنشى– جاستار مەن جاسوسپىرىمدەرىنىڭ ءوزىن-ءوزى باعالاۋ ماسەلەلەرى بويىنشا روليك السا, ءبىرىنشى ورىنعا ومىردە ءوز ورنىن تابۋ جانە وعان وزگەلەردىڭ پىكىرى اسەر ەتۋى تۋرالى فيلم ورنالاستى.
ودان بولەك, ءادىل قازىلار القاسىنىڭ مۇشەلەرى ەڭ جاس قاتىسۋشى – 13 جاستاعى بەيبىت بەكزاتتىڭ جانە قىزىلوردالىق ەرىكتىلەردىڭ اتاۋلى كومەك كورسەتۋ جوبالارىن ىنتالاندىرۋ جۇلدەلەرمەن ماراپاتتادى.