قر مادەنيەت مينيسترلىگى مəسكەۋدە «1 كانالمەن» بىرلەسىپ تەلەسەريال تۇسىرمەك. بۇل تۋرالى مادەنيەت جانە سپورت ءمينيسترى ارىستانبەك مۇحامەدي ۇلى ءوزىنىڭ فەيسبۋك پاراقشاسىندا حابارلادى.
«دوستارىم, مəسكەۋدە ء«بىرىنشى كانالمەن» تەلەديدار جəنە كينو يندۋسترياسىن دامىتۋ جولىندا ىنتىماقتاستىق تۋرالى كەلىسىم-شارتقا قول قويدىق. كەلىسسوزدەر بارىسىندا قول جەتكىزگەن ىنتىماقتاستىقتىڭ كەلەشەگى زور. باعامداپ كورىڭىزدەر. ءبىز بىرلەسىپ ەكى تەلەسەريال تۇسىرەتىن بولدىق: ءبىرى – ۇلى وتان سوعىسى كەزىندە الماتىدا جۇمىس ىستەگەن ورتالىق بىرلەسكەن كينوستۋديا تۋرالى بولسا, ەكىنشىسى – استاناعا اينالعان تسەلينوگراد تاريحى جايىندا. ەكى جوبانى دا قارجىلاندىرۋ 50/50 بولادى, سەريالداردى ء«بىرىنشى كانال» ەفيرىندە كورسەتەمىز (بۇل - 190 ەلدەگى 250 ملن.كورەرمەن), ال ەڭ باستىسى – تەڭ قۇقىقتى جاعدايدا حالىقارالىق پروكاتقا شىعۋىمىز. كينوفەستيۆالدەر اۋىلى دا جاقىنداي تۇسەتىنى ءسوزسىز» دەپ جازادى مينيستر.
ارىستانبەك مۇحامەدي ۇلىنىڭ سوزىنشە, وسىدان بۇرىن دا قازاقستان مەن رەسەي ىنتىماقتاستىعى ارقاسىندا دۇنيەگە كەلگەن جوبا – «28 پانفيلوۆشىلار» كورەرمەن ىقىلاسىنا بولەنىپ, رەسەي فەدەراتسياسىنىڭ ۇزدىك ءفيلمى اتانعان.
ء«بىز نəتيجەگە جەتۋ ءۇشىن جۇمىس ىستەيمىز. وسى جولى دا əلەمگە كەڭ تارالعان تەلەكانالمەن بىرلەسە اتقاراتىن ءىرى جوبالارىمىزدىڭ ءسəتتى بولاتىنىنا سەنىمدىمىن. ءبىزدىڭ تاريحىمىز بارشا əلەمگە كورسەتىلەتىن بولادى, دوستارىم», دەيدى ا.مۇحامەدي ۇلى.