قۇرمەتتى وتانداستار!
سىزدەردى ۇلتتىق مەرەكەمىز, ءبىزدىڭ ورتاق تابىستارىمىز بەن جەتىستىكتەرىمىزدىڭ سالتاناتى – قازاقستان رەسپۋبليكاسىنىڭ تاۋەلسىزدىگى كۇنىمەن قۇتتىقتايمىز!
ءبىز وسىدان 26 جىل بۇرىن ەل دامۋىنىڭ مەملەكەتتىك ەگەمەندىك, ادامنىڭ ەركىندىگى, الەۋمەتتىك تەڭدىك, قوعامدىق كەلىسىم مەن ەل بىرلىگى قاعيداتتارىنا نەگىزدەلگەن جاڭا تاريحىن باستادىق.
بۇل ءبىزدىڭ مىقتى ءارى جاۋاپتى ازاماتتاردىڭ ۇلتىن قالىپتاستىرۋ جولىمىزدى الدىن الا ايقىندادى.
تاۋەلسىزدىگىمىزدىڭ ءاربىر جىلى – ەلىمىزدىڭ دامۋىنىڭ ماڭىزدى كەزەڭى.
وتكەن جىل ەلىمىز ءۇشىن جەمىستى ءارى ماڭىزدى وقيعالارعا تولى بولدى.
ەل جۇرەگى – استانا «بولاشاقتىڭ ەنەرگياسى» حالىقارالىق ءسامميتىن سالتاناتتى تۇردە وتكىزىپ, ەلوردانىڭ جانە ەكسپو-2017 كورمەسى قوناقتارىنىڭ تاڭدانىسىن تۋدىردى, بىزگە تاعى دا ەلىمىزدى ماقتان تۇتۋ باقىتىن سىيلادى.
مەملەكەت باسشىسىنىڭ باستاماسىمەن قازاقستاننىڭ ءححى عاسىرداعى تابىستى دامۋىنىڭ نەگىزى بولىپ تابىلاتىن رۋحاني جاڭعىرۋ باعدارلاماسى كونستيتۋتسيالىق جانە ەكونوميكالىق وزگەرىستەردى ۇتىمدى تولىقتىرادى.
بۇگىنگى تاڭدا بارلىق قازاقستاندىقتاردىڭ مىندەتى – ءبىزدىڭ باستى قۇندىلىعىمىز, ەلىمىزدىڭ جەتىستىكتەرىنىڭ ىرگەتاسى – وزگە مادەنيەتتەرگە دەگەن قۇرمەت پەن باۋىرمالدىققا نەگىزدەلگەن ەل بىرلىگى مەن كەلىسىمدى ساقتاۋ مەن نىعايتۋ. قۇرمەتتى وتانداستار!
سىزدەردى بارشامىز ءۇشىن تاريحي تاڭداۋىمىزدىڭ جارقىن كورىنىسى – ءوز تاعدىرىمىزدى ءوزىمىز شەشەتىن, دامۋ جولىمىزدى ءوزىمىز تاڭداۋ قۇقىعىن تارتۋ ەتكەن مەرەكەمەن قۇتتىقتايمىز!
سىزدەرگە قازاقستان حالقىنىڭ گۇلدەنۋى مەن وركەندەۋى ءۇشىن يگى باستامالار مەن ساتتىلىك, ىزگى ۇمىتتەر مەن جاڭا جەتىستىكتەر تىلەيمىز.
قازاقستان حالقى اسسامبلەياسىنىڭ كەڭەسى