جاساندى جۇرەك يمپلانتاتسياسى

ۇلتتىق كارديوxيرۋرگيا ور­تالى­عىنىڭ باسشىسى, التىن قان­داۋىرلى دارىگەر يۋري پيانىڭ جۇ­مىس بولمەسىندە كارتينا ءىلۋلى تۇر. وندا ادام قولىنا امانداسۋعا سوزىلعان جاساندى قول بەينەلەنگەن. «بولاشاقتا ميدان باسقا ادام اعزا­سىنىڭ ءبارى قولدان جاسالادى. سول كەزدە دونور ماسەلەسى دە شە­شىلەدى دەگەن ويدامىن», دەيدى ول.

ءسال شەگىنىس جاساساق, بي­ىل­ قا­زان ايىنىڭ 18-ءى كۇنى استا­نا­دا­عى ۇلتتىق كارديوحيرۋرگيا ور­تالى­عىندا 60 جاسار ەر ادام­عا جاساندى جۇرەك سالىندى. ناۋ­قاستىڭ جاعدايى دۇرىستالدى. ال ەمدەلۋشى وزدىگىنەن جۇرە الا­تىن قالىپقا كەلگەندەگى قۋا­نى­شىنا ورتاقتاسۋدىڭ ءساتى بىزگە, جۋرناليستەرگە دە ءتۇستى. وسى­لايشا دارىگەرلەر ۇلتتىق كار­ديوxيرۋرگيا ورتالىعىندا وتكەن ءباسپاسوز ءماسليxاتىندا ەلىمىزدە العاش رەت ادامعا جاساندى جۇرەك يمپلانتاتسياسىنىڭ جاسالعانىن جاريالادى.

«قازىرگى جاساندى جۇرەك اپپاراتتارىندا بيوتەxنولوگيالار قولدانىلادى. ىشىندەگى سورعى قاندى اينالدىرىپ, بيولوگيالىق مەمبرانانى ىسكە قوسادى. جاڭاعى مەمبرانا كادىمگى ادام اعزاسى سياق­تى, قاننىڭ قۇرامىنا دا اسەر ەتپەيدى. قان سول كۇيىندە قالادى. بۇل – ۇلكەن جەتىستىك. سەبەبى مەم­برا­نانىڭ ىشىندە تاعى قوسىمشا داتچيكتەر ورناتىلعان. ول داتچيكتەر ادامنىڭ دەنە بەلسەندىلىگىن عانا ەمەس, ەموتسيالىق جاي-كۇيىن انىقتاپ, جۇرەك قاعىسىن رەتتەپ وتىرادى. ادام قوبالجىسا, جاساندى جۇرەك قاتتى سوعادى. مەنىڭشە, الداعى ۋاقىتتا ميدان باسقاسىنىڭ ءبارى قول­دان جاسالادى», دەيدى دارىگەر يۋ.پيا.

جاساندى جۇرەك يمپلانتاتسياسى سالاسىندا باسەكە قىزىپ تۇر ەكەن. فرانتسيانىڭ «Carmat SA» كومپانياسى بۇل قۇرىلعىنى ەۋروپانىڭ اەروعارىش جانە قورعانىس كونتسەرنى­مەن بىرلەسىپ شىعارىپ, 2013 جىلى «Carmat» ماركالى جاساندى جۇرەكتى العاش رەت سىناقتان وتكىزەدى. 76 جاستاعى قارياعا سالىنعان جۇرەك سىر بەرىپ ول 74 كۇننەن كەيىن قايتىس بو­لادى. ال كەيىنگى پاتسيەنتتەر جاساندى جۇرەكپەن 8-9 اي ءومىر ءسۇردى. سول كەزدە كومپانيا جاڭا اپپاراتتىڭ ءبىر اقاۋلىعىن انىقتايدى. ياعني جاساندى جۇرەكتى ۇزاق پايدالانعاننان كەيىن قان موتورعا كەتەدى ەكەن. ارتىنان بۇل اقاۋ جوندەلگەن سوڭ كومپانيا 5 مەملەكەتتىڭ كلينيكاسىندا 20 وپەراتسيانى ءوز قاراجاتىنا جاساتۋدى ۇيعارادى. بارلىعى دۇرىس بولسا, زاۋ­ىت­تان سەريالى تۇردە شىعارىلۋى جولعا قويىلماق. وسىلايشا اۆستريا, نيدەرلاند, چەxيا, گەرمانيا سياق­تى ەلدەردىڭ ۇزدىك ەمحانالارى وتا­لاردى وزدە­رىندە جاساتۋعا تىرىس­قاندا, ءبىزدىڭ وتاندىق دارىگەر يۋري پيا دا ولاردان قالىسپادى. ال فران­­تسۋزداردىڭ ءبىزدىڭ كلينيكاعا نازارى­نىڭ اۋى – مەملەكەتىمىزدىڭ وزىق تەx­نولوگيالاردى ەنگىزۋگە دەگەن ىنتاسى مەن جاڭا جۇيەگە زاڭ­نامانى دا بەيىم­دەگەنىنىڭ ارقاسى. «سونىڭ ناتيجەسىندە ءبىز ءبى­رىنشى بولىپ رۇقسات الىپ, جاساندى جۇ­رەك يمپلانتاتسياسى بويىنشا xا­­لىق­ارالىق زەرتتەۋگە قاتىسىپ وتىر­مىز», دەپ اتاپ كورسەتتى يۋري پيا.

جۇرەكتى تولىعىمەن الماس­تى­رۋعا­ ارنالعان قۇرىلعىنىڭ قازىرگى باعاسى 1 ملن ەۋرو ەكەن. ءباسپاسوز ءماس­ليحاتىندا دەنساۋلىق ساقتاۋ ۆيتسە-ءمينيسترى لياززات اقتاەۆا «مەم­لە­كەت تە, ورتالىق تا وعان قازىر ەش­قان­داي اقشا جۇمساپ جات­قان جوق. فرانتسۋز كومپانياسى ءوز اپپاراتىن سىناقتان وتكىزۋدە. سول سەبەپتى ءبارىن تەگىن بەردى. ءبارى ءساتتى بولسا, جاساندى جۇرەك اپپارات­تارى كوپتەپ شىعارىلادى. بۇل كەزدە باعاسى دا تومەن بولادى», دەدى.

انار تولەۋحانقىزى,

«ەگەمەن قازاقستان»