گەننادي بەنديتسكيدىڭ مينسك اۋرۋحاناسىندا قايتىس بولعانى تۋراسىندا تۋىستارى حابارلادى, بۇل جايىندا قر ءسىم ءباسپاسوز قىزمەتى مالىمدەدى.
"قازاقستانننىڭ بەلارۋستاعى ەلشىلىگىنە گەننادي بەنديتسكيدىڭ تۋىستارى حابارلاسىپ, 9 قالالىق اۋرۋحاناسىندا جەرگىلىكتى ۋاقىت بويىنشا تاڭعى 6.30 شاماسىندا قايتىس بولعانىن جەتكىزدى. سول ۋاقىتتان باستاپ ەلشىلىك ءجۋرناليستىڭ وتباسىنا قاجەتتى قۇجات رەتتەۋ جانە وزگە دە ءىس-شارالاردى اتقارۋدى قولعا الدى. مينسكىدە ءجۋرناليستىڭ جۇبايى مەن تاعى ءبىر تۋىسى بار. ءوز تاراپىمىزدان ءجۋرناليستىڭ تۋىستارى مەن جاقىندارىنا كوڭىل ايتامىز",- دەپ حابارلايدى قر ءسىم ءباسپاسوز قىزمەتىنىڭ جەتەكشىسى ءانۋار جايناقوۆ.
ەسكە سالا كەتەيىك, قازاقستاندىق جۋرناليست گەننادي بەنديتسكي 47 جاسىندا دۇنيەدەن وزدى. وتاندىق باسىلىمدار ونىڭ سوڭعى ايلاردا سىرقاتتانىپ قالعانىن, وپەراتسيا جاساۋدى كۇتىپ جۇرگەنى جايىندا حابارلادى. سونداي-اق الەۋمەتتىك جەلىدە ءجۋرناليستىڭ ارىپتەستەرى مەن وقىرماندارى ءجۋرناليستى ەسكە العان جازبالار جاريالاپ, قايعىرا كوڭىل ايتىپ جاتىر.