ەلباسى نۇرسۇلتان نازارباەۆ توراعالىق ەتەتىن قازاقستان حالقى اسسامبلەياسى رەسپۋبليكادا بەيبىتشىلىك پەن كەلىسىمدى نىعايتۋ ماقساتىندا ءوز باستاماسىمەن قۇرىلعان بىرەگەي ينستيتۋت.
قحا مەملەكەت باسشىسىنىڭ باعىتىن قولداپ, ەلىمىزدە تۇراقتىلىقتى ساقتاۋ ماقساتىندا ءتيىمدى جۇمىس ىستەپ كەلەدى. حالىقتار بىرلىگىنىڭ قازاقستاندىق مودەلى – كوپتەگەن شەت مەملەكەتتەرگە ۇلگى بولارلىق ءارى رەسپۋبليكانىڭ دامۋىنا باستايتىن ەرەكشە باستاما.
پرەزيدەنتىمىز تاڭداعان باعىت تامىرى تەرەڭگە جايىلعان تاريحىمىز بەن حالقىمىزدىڭ وتكەنىن زاماناۋي جاعدايعا بەيىمدەي وتىرا, ەلىمىزدى قارىشتاتا دامىتىپ كەلەدى. نۇرسۇلتان نازارباەۆ ءوزى جاساعان شەشىمدەر مەن باستامالاردى ءاردايىم اقىلعا سالىپ وتىرادى. «بولاشاققا باعدار: رۋحاني جاڭعىرۋ» ماقالاسىندا ول رۋحاني جانە مادەني قۇندىلىقتارىمىزدى ساقتاۋ مەن دامىتۋدىڭ ەرەكشەلىكتەرىن اتاپ كورسەتتى. حالىقتىڭ تاريحى جانە مادەنيەتى ساقتالماعان جاعدايدا, ونىڭ زاماناۋي جاعدايعا بەيىمدەلە المايتىنى بەلگىلى. كورەگەن تۇلعالاردى تاربيەلەيتىن, مەملەكەتتىڭ ودان ءارى دامۋىنا كەپىل بولاتىن ماسەلە رۋحاني قۇندىلىق ەكەنى انىق.
ءبىز, قازاقستان حالقى, پرەزيدەنتىمىزگە سەنەمىز جانە ونىڭ كورەگەن, سىندارلى شەشىمدەرى ءۇشىن العىس ايتامىز. ەلباسىنىڭ سارابدال ساياساتىنىڭ ناتيجەسىندە ءبىز بۇگىندە بەيبىت ءومىر ءسۇرىپ وتىرمىز. تاتۋلىعىمىز بەرىك. مەملەكەت باسشىسى انىقتاپ بەرگەن باسىمدىقتارعا سۇيەنە وتىرىپ, ءبىز بارلىق كۇش-جىگەرىمىزدى ەلدىڭ دامۋى ءۇشىن جانە ۇلتتىق بىرەگەيلىگىمىزدى ساقتاۋ ماقساتىندا جۇمىلدىرامىز.
تامارا شيرمەر, استانا قالالىق «وبەرەگ» ۋكراين قوعامى» قب ءتورايىمى