بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ اتقارۋشى ديرەكتورى قانات جۇماباەۆ مالىمدەدى.
«وسى جىلى استانا كلۋبىنىڭ وتىرىسىنا قاتىسقان مەملەكەتتەر مەن ايماق وكىلدىكتەرى ءبىرشاما كەڭەيدى - بۇل 28 ەلدەن كەلگەن 66 قاتىسۋشى. اقش, قىتاي, رەسەي, ءۇندىستان, ەۋروپانىڭ جانە ورتالىق ازيانىڭ كەيبىر ەلدەرىنەن باسقا, تاعى 10 مەملەكەتتىڭ قاتىسۋشىسى قوسىلدى. بۇل يندونەزيا, مالايزيا, يتاليا, پولشا, بانگلادەش, ءازىربايدجان, سەربيا, سلوۆەنيا, فينليانديا, چەحيا. ءۇشىنشى وتىرىستىڭ شارىقتاۋ شەگى - مەملەكەت باسشىسى نۇرسۇلتان نازارباەۆتىڭ استانا كلۋبىنىڭ قاتىسۋشىلارىمەن كەزدەسۋى بولدى. اشىق پىكىرتالاس كەزىندە الەمدىك دەرجاۆالاردىڭ ەۋرازياداعى مۇددەلەرىنىڭ استاسۋى, وڭىرلىك ويىنشىلاردىڭ ءرولى, ەۋرازيالىق ينتەگراتسيانىڭ بولاشاعى سياقتى تاقىرىپتار قوزعالدى», - دەپ اتاپ ءوتتى قانات جۇماباەۆ.