اپپاراتتىق كەڭەستە ەلوردا اكىمى اسەت يسەكەشەۆ جاڭا كادرلىق تاعايىنداۋ تۋرالى مالىمدەدى, دەپ حابارلايدى استانا اكىمدىگىنىڭ مەديا ورتالىعى.
اسەت يسەكەشەۆ قالانىڭ ەنەرگوكەشەنىنىڭ دامۋىنا ۇلەسىن قوسقانى ءۇشىن «استاناەنەرگوسەرۆيس» اق-نىڭ باسقارما توراعاسى قىزمەتىنەن ءوز ەركىمەن بوساتۋدى سۇراعان ەرمەك اليموۆكە العىسىن ءبىلدىردى.
«اتاپ ءوتۋ كەرەك, وسى جىلى ەنەرگوكەشەندى دامىتۋدىڭ ءۇش جىلدىق ستراتەگياسى ازىرلەنىپ, ەنگىزىلدى. ونىڭ اياسىندا تيىمدىلىكتىڭ نەگىزگى كورسەتكىشتەرىن (KPI) قولدانۋ جۇمىسى باستاۋ الدى.
ەنەرگوكەشەندەگى بيزنەس پروتسەستەردى اشىقتىقپەن قامتاماسىز ەتۋ بويىنشا ءبىراز جۇمىستار اتقارىلدى. وسى جۇمىستاردىڭ ناتيجەسىندە كونكۋرستىق ۇنەمدەۋ, كاسسالىق الشاقتىقتىڭ تومەندەۋى جۇزەگە استى. 2016 جىلدىڭ قورىتىندىسى بويىنشا 1,6 ملرد تەڭگە كولەمىندە كىرىس ءتۇستى», - دەپ مالىمدەدى اكىم.
«استاناەنەرگوسەرۆيس» اق-نىڭ جاڭا باسقارما توراعاسىنىڭ قىزمەتىنە ارداق تيەس تاعايىندالدى. ول ءارتۇرلى جىلدارى قر تابيعي مونوپوليالاردى رەتتەۋ اگەنتتىگى توراعاسىنىڭ ورىنباسارى, قازاقستان دامۋ بانكى توراعاسىنىڭ ورىنباسارى, «استانا-ەنەرگيا» اق توراعاسىنىڭ ورىنباسارى سياقتى جاۋاپتى قىزمەتتەردى اتقارعان بولاتىن.
استانا اكىمى «استاناەنەرگوسەرۆيس» اق-نىڭ جاڭا جەتەكشىسىنە ساتتىلىك تىلەپ, KPI ەنگىزۋ, قالاداعى ەنەرگوكەشەننىڭ سەنىمدىلىگى مەن تيىمدىلىگىن جوعارىلاتۋ جۇمىسىن جۇرگىزۋدى جالعاستىرۋدى, سونداي-اق, قىسقى ۋاقىتتا جىلىتۋ كەزەڭىنە قاتىستى ماسەلەلەرگە ەرەكشە كوڭىل ءبولۋدى تاپسىردى.