دۋلات يسابەكوۆتىڭ مەرەيتويى اتالىپ وتۋدە

ءبىر جىل بويى ارنايى مەرەيتويلىق ءىس-شارالار ەلىمىزدە جانە شەتەلدە ءتۇرلى فورماتتاردا ۇيىمداستىرىلۋدا.

وسى جىلدىڭ شىلدە ايىندا استانادا ەكسپو-داعى ۇلىبريتانيانىڭ ۇلتتىق پاۆيلونىندا جازۋشىنىڭ اعىلشىن تىلىندە جارىق كورگەن شىعارمالار جيناعىنىڭ تۇساۋكەسەرى ءوتتى. تۇساۋكەسەر راسىمىنە قازاقستاننىڭ زيالى قاۋىم وكىلدەرى جانە جازۋشىنىڭ كىتابىن اعىلشىن تىلىنە اۋدارۋعا بەلسەندى قاتىسقان ۇلىبريتانيانىڭ ونەر قايراتكەرلەرى, راحيما ابدۋاليەۆا, سارا پامەلا ي داۆيد پاپاۆا قاتىستى.

وسى جىلدىڭ قازان ايىندا مادەنيەت جانە سپورت مينيسترلىگى مەن قازاقستاننىڭ ۇلىبريتانياداعى ەلشىلىگىنىڭ قولداۋىمەن لوندوندا جازۋشىنىڭ مەرەيتويىنا ارنالعان تەاتر فەستيۆالى ءوتتى. فەستيۆالعا دۋلات يسابەكوۆتىڭ «جاۋجۇرەك» جانە «اكتريسا» قويىلىمدارىن م. اۋەزوۆ اتىنداعى قازاق مەملەكەتتىك اكادەميالىق دراما تەاترى, مەملەكەتتىك رەسپۋبليكالىق كورەي مۋزىكالىق كومەديا تەاترى ءساتتى كورسەتتى.

مەرەيتويلىق شارالار قاتارىن 17 قاراشا كۇنى ق.قوجامياروۆ اتىنداعى مەملەكەتتىك رەسپۋبليكالىق ۇيعىر مۋزىكالىق كومەديا تەاترى شىمكەنت قالاسىندا «مۇراگەرلەر» قويىلىمىنىڭ تۇساۋكەسەرىمەن جالعاستىرماق.

مينيسترلىكتىڭ تاپسىرماسى بويىنشا ش.ايمانوۆ اتىنداعى «قازاقفيلم» كينوستۋدياسى ستسەراني اۆتورى جازۋشى-دراماتۋرگ دۋلات يسابەكوۆ بولىپ تابىلاتىن «بالۋان شولاق» ءفيلمىنىڭ ءتۇسىرىلىمىن باستادى.

ايتا كەتەيىك, الماتىدا 2012 جىلى دۋلات يسابەكوۆتىڭ 70 جىلدىعىنا ارنالعان «يسابەكوۆ الەمى» حالىقارالىق تەاتر فەستيۆالى ءوتتى. فەستيۆالگە دراماتۋرگ د.يسابەكوۆتىڭ پەسالارى بويىنشا ساحنالانعان قويىلىمدارمەن 12 تەاتر ۇجىمى, ونىڭ ىشىندە التى الىس-جاقىن شەت ەلدەردىڭ جانە التى قازاقستاندىق تەاتر ۇجىمدارى قاتىستى. 2014 جىلى لوندوندا ونىڭ «وكپەك جولاۋشى» اتتى تۋىندىسى ساحنالاندى. سونداي-اق, مينيسترلىكتىڭ «الەۋمەتتىك ماڭىزى بار ادەبيەتتەر» بيۋدجەتتىك باعدارلاماسى بويىنشا دۋلات يسابەكوۆتىڭ «تاڭدامالى شىعارمالارى» جارىق كوردى.