سيريانىڭ جانجال ايماعىنان شىعارىلعان قازاقستان ازاماتتارى تاياۋ كۇندەرى ەلگە جەتكىزىلەدى. بۇل تۋرالى سىرتقى ىستەر مينيسترلىگى ءباسپاسوز قىزمەتىنىڭ جەتەكشىسى ءانۋار جايناقوۆ ءمالىم ەتتى.
«وزدەرىڭىزدە بىلەتىندەي, كەشە شەشەن رەسپۋبليكاسىنىڭ استاناسى گروزنىي قالاسىنا سيريادا جانجال بولىپ جاتقان ايماقتان قۇتقارىلعان ءبىر توپ ادام جەتكىزىلدى. ولاردىڭ اراسىندا قازاقستان ازاماتتارى دا بولدى. ول 1988 جىلى دۇنيەگە كەلگەن ورال قالاسىنىڭ تۇرعىنى مەن ونىڭ كامەلەتتىك جاسقا تولماعان 4 بالاسى. ولاردى گروزنىي اۋەجايىندا قازاقستاننىڭ رەسەيدەگى ەلشىلىگىنىڭ قىزمەتكەرلەرى كۇتىپ الدى. جاقىن ارادا ولار قازاقستانعا جەتكىزىلەتىن بولادى», - دەدى ول.
وسى رەتتە ءانۋار جايناقوۆ سىرتقى ىستەر مينيسترلىگى وتانداستارىمىزدى سيريادان قاۋىپسىز جەرگە شىعارعانى ۇشىن رەسەيلىك تاراپقا جانە شەشەن رەسپۋبليكاسىنىڭ باسشىلىعىنا شىنايى ريزاشىلىق بىلدىرەتىندىگىن اتاپ ءوتتى.
«بالالاردىڭ ەڭ كىشكەنتايى وسى جىلى تۋعان, بىرنەشە ايلىق قانا. ال ەڭ ۇلكەنى 2012 جىلى تۋعان. بالالار قازاقستان ازاماتى, اتى-جوندەرى جاريالانبايدى», - دەدى ءسىم ءباسپاسوز قىزمەتىنىڭ جەتەكشىسى.