دەنساۋلىق ساقتاۋ جۇيەسىن دامىتۋعا بولىنگەن قارجى 781,4 ملرد تەڭگەنى قۇرادى

دەنساۋلىق ساقتاۋ سالاسىنداعى مەم­لەكەتتىك ساياساتتى ىسكە اسىرۋ ماسە­لەلەرىندە بىرقاتار جۇيەلى پروب­لە­مالاردىڭ ساقتالىپ وتىرعانى انىق­تالدى.

دەنساۋلىق ساقتاۋدىڭ باعدار­لا­مالىق قۇجاتتارىن ىسكە اسىرۋدا جۇيە­لىلىكتىڭ بولماۋى, دارىلىك زاتتاردى جانە مەديتسينالىق تەحنيكانى ساتىپ الۋعا جۇمسالاتىن شىعىنداردى جوسپارلاۋ ساپاسى دەڭگەيىنىڭ تومەندىگى اتاپ ءوتىلدى.

جەكەلەگەن دەنساۋلىق ساقتاۋ ۇي­ىمدارى مەن جەرگىلىكتى اتقارۋشى ور­گاندار بيۋدجەتتىك باعدارلامالار ناتيجەلەرىنىڭ كورسەتكىشتەرىنە قول جەت­كىزبەۋ, قارجىلىق ءتارتىپتى ساق­تا­ماۋ فاكتىلەرىنە جول بەرگەن.

ستاتسيونارلىق كومەكتىڭ توسەك قورىن ءتيىمسىز پايدالانۋ فاكتى­لە­رى انىقتالدى. ماسەلەن, 2016 جىل ىشىندە ماڭعىستاۋ وبلى­سىن­دا تراۆ­ما­­تو­لوگيالىق بەيىن­دەگى جانە ال­ما­تى وبلىسىندا ەندوكري­نو­لوگيا­لىق بەيىندەگى سانى 41%-عا جەتكەن پاي­دا­لانىلمايتىن اۋرۋحانا توسەك­تە­رىن قاي­تا بەيىندەۋ بويىنشا شارالار قابىلدانباعان.

دەنساۋلىق ساقتاۋ مينيسترلىگىمەن بىر­لەسىپ وتكىزىلگەن مەديتسينالىق تەح­ني­كالاردى ساتىپ الۋدى تالداۋ جا­بدىقتاردى ساتىپ الۋ ءتارتىبىن رەگ­لا­مەنتتەيتىن زاڭنامادا ەلەۋلى ولقى­لىق­تاردىڭ بار ەكەنىن كورسەتتى.

ايتالىق, جەرگىلىكتى اتقارۋشى ورگانداردىڭ دەنساۋلىق ساقتاۋ ۇيىم­دا­رى ءۇشىن مەديتسينالىق تەحني­كانىڭ قۇندىق جانە تەحنيكالىق سي­پاتتامالا­رىنا مىندەتتى ساراپتاما جۇر­گىزۋ تۋرالى تالاپ نورماتيۆتىك قۇقىقتىق اكتىلەردە جوق. بۇل وڭىر­لەر­دە مامانداندىرىلعان جابدىقتى 0,5 ملرد تەڭگەگە جوعارى قويىلعان باعامەن, سونداي-اق سوماسى 8 ملرد-تان استام تەڭگەگە كەپىلدىكتى سەرۆيستىك قىز­مەت كورسەتۋگە قويىلاتىن تالاپ­تار­­دى ساقتاماي ساتىپ الۋعا اكەپ سوق­تىرعان.

دەنساۋلىق ساقتاۋ مەكەمەلەرىنىڭ ماتەريالدىق-تەحنيكالىق جاراق­تان­دىرىلۋىنا ءتيىستى تۇردە مونيتورينگ جۇر­گىزىلمەۋى سەبەبىنەن, مينيستر­لىكتىڭ التى ۆەدومستۆولىق باعىنىستى ۇيىم­ىندا جالپى قۇنى 0,7 ملرد تەڭگە بولاتىن, جۇمىس ىستەمەي تۇرعان 13 بىرلىك جابدىق انىقتالدى. جابدىقتاردىڭ جۇمىس ىستەمەۋىنىڭ نەگىزگى سەبەپتەرى ءتيىستى مامانداردىڭ بولماۋى جا­نە جيناقتاۋىش بولشەكتەردىڭ جەتىس­پەۋ­شىلىگى بولىپ تابىلادى.

دارىلىك زاتتاردى ساتىپ الۋعا جۇم­سالاتىن شىعىنداردى جوسپار­لاۋ­دىڭ قولدانىستاعى تەتىگىنىڭ كەمشى­لىك­تەرى انىقتالدى, بۇل 2016 جىلدان سوماسى 24 ملرد تەڭگەنى قۇرايتىن قالدىق بولا تۇرا, 2017 جىلعا ارنالعان بيۋدجەتتى قالىپتاستىرۋعا اكەپ سوقتىرعان. بۇل رەت­تە ءبىر وڭىرلەردە بىرقاتار مەدي­تسي­نالىق پرەپاراتتاردىڭ جەتىسپەۋى, ال باسقا وڭىرلەردە ولاردىڭ كوپتىگى باي­قالادى.

ۇلتتىق سكرينينگتىك باعدارلامانى ىسكە اسىرۋدىڭ جۇيەسىزدىگى ەل حالقى­نىڭ قۋىقاستى بەزى, باۋىر, وڭەش جانە اسقازاننىڭ ونكولوگيالىق اۋرۋ­لا­رىن ەرتە انىقتاۋ تۇرعىسىنان پرو­في­لاكتيكالىق ءىس-شارالارمەن تولىق قام­تىلماۋىنا الىپ كەلدى. 

وبىردىڭ كورسەتىلگەن تۇرلەرىنەن ءولىم-ءجىتىمنىڭ ۇلعايۋ ءۇردىسى بولا تۇرا, وڭتۇستىك قازاقستان, اقمولا, الماتى, جامبىل جانە ماڭعىستاۋ وبلىستارىندا ءتيىستى سكرينينگتىك زەرتتەۋلەر جۇرگىزىلمەۋدە. ايتالىق الماتى وبلىسىندا 2016 جىلى قۋىقاستى بەزى وبىرىنان بولاتىن ءولىم-ءجىتىم 2014 جىلمەن سالىستىرعاندا 43%-عا, جامبىل وبلىسىندا 53%-عا ءوسىپ وتىر.

حالىققا سانيتاريالىق اۆياتسيا نىسانىندا مەديتسينالىق جەدەل كومەك كورسەتۋ جۇيەسىندە ەلەۋلى كەمشىلىكتەر انىقتالدى.

اتاپ ايتقاندا اۋە كەمەلەرىنىڭ جەدەل وتىنىمدەر بويىنشا ۇشۋدا پاي­دالانۋعا دايىندىعىن قامتاماسىز ەت­پەيتىن ولاردىڭ ناشار تەحنيكالىق جاي-كۇيى مەن تيىسىنشە كۇتىپ-ۇستالماۋ فاكتىلەرى ەسەپ كوميتەتىنىڭ الدىڭعى اۋ­دي­تورلىق ءىس-شارالارىنىڭ قورى­تىن­دىسىندا دا بىرنەشە رەت اتالىپ وتكەن.

ايتالىق, سانيتاريالىق اۆياتسيا قىزمەتىن كورسەتەتىن 12 كومپانيانىڭ ىشىنەن سەگىزىنىڭ اۆياتسيالىق پاركىن پايدالانۋ مەرزىمى 30-دان 40 جىلعا دەيىن,  جەكەلەگەن اۋە كەمەلەرى قو­لاي­­سىز مەتەوجاعدايلارعا جانە تاۋ­لىك­تىڭ تۇن­گى ۋاقىتىندا ۇشۋعا تەح­ني­كالىق بەيىم­دەلمەگەن, بۇل 2016 جى­لى 93 ۇشۋ­دى بولدىرماۋعا الىپ كەل­گەن.

مەملەكەتتىك اۋديت قورىتىن­دى­لارى بويىنشا سوماسى 31,2 ملرد تەڭ­گەگ­ە قارجىلىق بۇزۋشىلىقتار, 31,4 ملرد تەڭگەگە 101 راسىمدىك بۇزۋشىلىق, 46,8 ملرد تەڭگەگە بيۋدجەت قاراجاتىن ءتيىم­سىز جوسپارلاۋ جانە پايدالانۋ فاكتىلەرى انىقتالدى.

مەملەكەتتىك اۋديت بارىسىندا قار­جىلىق بۇزۋشىلىقتار سوماسى تو­لىق كولەمدە قالپىنا كەلتىرىلدى جا­نە وتەلدى, 3 زاڭدى تۇلعا جانە 14 لاۋا­زىمدى ادام اكىمشىلىك جاۋاپ­تى­لىق­قا تارتىلدى.

ەسەپ كوميتەتى وتىرىسىنىڭ قورى­تىن­دىسى بويىنشا ۇكىمەتكە ءتيىستى ۇسىنىمدار بەرىلدى. دەنساۋلىق ساقتاۋ مينيسترلىگىنە انىقتالعان بۇزۋ­شى­لىقتاردى جويۋ بويىنشا شارالار قابىلداۋ, بيۋدجەت جانە وزگە دە زاڭ­ناما تالاپتارىنىڭ ساقتالۋىن قام­تا­ماسىز ەتپەگەن لاۋازىمدى ادام­داردىڭ جاۋاپتىلىعىن قاراۋ تاپسىرىلدى, سونداي-اق باسقا دا بىرقاتار تاپسىرما بەرىلدى.

ءاۋديتتىڭ جەكەلەگەن ماتەريالدارى قۇقىق قورعاۋ ورگاندارىنا جانە اكىمشىلىك قۇقىق بۇزۋشىلىقتار تۋرا­لى ىستەردى قاراۋعا ۋاكىلەتتى ور­گان­دارعا پروتسەستىك شەشىمدەر قا­بىل­داۋ ءۇشىن جىبەرىلدى, دەپ حابارلادى ەسەپ كوميتەتىنىڭ ءباسپاسوز قىزمەتى.