دۋبايدا ء(باا) 15-ءشى حالىقارالىق اۋەعارىش كورمەسى «Dubai Air Show - 2017» اياسىندا قر پرەمەر ءمينيسترىنىڭ ءبىرىنشى ورىنباسارى اسقار مامين, ءباا پرەمەر ءمينيسترىنىڭ ورىنباسارى, ءباا پرەزيدەنت ءىسى جونىندەگى مينيستر شەيح ءمانسۇر بەن زايدا ءال- ناحايان, رف ۇكىمەتى توراعاسىنىڭ ورىنباسارى دميتري روگوزيننىڭ ءۇش جاقتى رەسمي كەزدەسۋى بولىپ ءوتتى, دەپ حابارلايدى primeminister.kz.
كەزدەسۋ بارىسىندا تاراپتار عارىش سالاسىن يننوۆاتسيالىق جوعارى تەحنولوگيانى قولدانا وتىرىپ, بىرلەسىپ يگەرۋدىڭ ينۆەستيتسيالىق جوباسىن قارادى. بىرىككەن اراب امىرلىگى تارابى «بايقوڭىر» عارىش ايلاعىنىڭ قازىرگى جاعدايىمەن جانە ونى دامىتۋ بولاشاعىمەن تانىستى.
كەزدەسۋ بارىسىندا شەيح ءمانسۇر ءباا قازاقستان-رەسەي بىرلەسكەن «بايتەرەك» جوباسىنا قاتىسۋعا قىزىعۋشىلىق ءبىلدىرىپ وتىر.
ولار بولاشاقتا بىرلەسكەن عارىشتى دامىتۋ جوباسىن جۇزەگە اسىرۋعا ستراتەگيالىق باعدارلاما جاساپ, تاراپتاردىڭ قىزمەتىن ۇيلەستىرىپ وتىرۋ ماقساتىندا ءۇش جاقتى جۇمىس توبىن قۇرۋ تۋرالى كەلىسىمگە كەلدى.